KEKSALARNI E’ZOZLASH — EZGU QADRIYAT

“Keksalarni e’zozlash oyligi” doirasida “Termiz MTU” filiali boshlang‘ich kasaba uyushmasi qo‘mitasi tomonidan tizimda faoliyat yuritayotgan hamda uzoq yillar fidokorona mehnat qilib, bugungi kunda nafaqada bo‘lgan keksa avlod vakillari va ustozlar uchun mazmunli tadbir tashkil etildi.

Joriy yilning 30-sentyabr kuni faxriylarimiz uchun viloyatimizning tarixiy va muqaddas qadamjolari — Al-Hakim at-Termiziy hamda Sulton Saodat majmualariga ichki turizm sayohati uyushtirildi.

Sayohat davomida keksalarimiz yurtimizning boy tarixiy-madaniy merosi bilan yaqindan tanishib, o‘zaro samimiy suhbatlar qurdilar. Tadbirning eng iliq lahzalari esa bir piyola choy ustida kechgan dildan suhbatlar, xotiralar va ezgu tilaklar bilan yanada mazmunli bo‘ldi.

Shuningdek, tadbir yakunida faxriylarimizga esdalik sovg‘alari topshirilib, ularga chuqur hurmat va ehtirom izhor etildi.

Telegram sahifamiz:
👉 @Termiz_MTU 👈