Xitoyda millionlab universitet bitiruvchilari yirik shaharlardagi ofis ishlaridan voz kechib, qishloq xoʻjaligiga qaytmoqda.
Ular oʻzlarini ijtimoiy tarmoqlarda “yangi dehqonlar” (新农人) deb atab, anʼanaviy jismoniy mehnat oʻrniga zamonaviy texnologiyalardan — dronlar, sunʼiy intellekt va jonli efirlar (livestream) orqali mahsulot sotishdan foydalanishmoqda.
Buning asosiy sabablari:
• Shaharlardagi ishsizlik va Z avlodning ishdan charchashi: Megapolislarda yoshlar oʻrtasida raqobat kuchli, oyliklar kam va yashash qiyin.
• Arzon yashash xarajati: Qishloqda $5 pul butun oilaning bir kunlik oziq-ovqatiga yetadi, shaharda esa bu faqat bir martalik “zakaz” narxi.
• Davlat qoʻllab-quvvatlovi: Hukumat yoshlarni qishloqqa jalb qilish uchun soliq imtiyozlari va qulay kreditlar ajratmoqda.
• Texnologiya va yaxshi daromad: Smartfon orqali qishloq mahsulotlarini toʻgʻridan-toʻgʻri efirda sotish va 20% komissiya olish orqali bitta efirning oʻzida yuzlab dollar ishlab topish mumkin.
Nima deb oʻylaysiz? Yaqin kelajakda oliy taʼlim diplomi kerak boʻlmay qolishi mumkinmi?
✅@TeacherAzam