Татар дулкыны

ТАТАРСТАННЫҢ ҮЗ «ПАНТЕРА»СЫ БАРЛЫККА КИЛДЕ

Казанның үзәгендә, КМТТУ-КАИ йортында казып алынган алман Panther танкы (Ausf. D. модификациясе) тулысынча җир астыннан чыгарылды һәм рәсми рәвештә Татарстан Җөмһүрияте балансына тапшырылды.

Бу танк төрен бик надир диеп саныйлар: дөньядагы музейларда нәкъ Ausf. D. модификациясе бик сирәк очрый, ә мондый яхшы саклану дәрәҗәсендә булганы тагын да сирәгрәк. Хәтта танкны яңадан йөрешкә куеп була дигән өмет тә бар.

Ничек Бөек Ватан сугышы чорындагы алман танкы Казан үзәгендә пәйда булган?

Фаразлар буенча, якынча 1948нче елда танкны полигоннан бирегә китерәләр, йөрткечен, ягулык бакларын һәм корал көпшәсен сүтеп алалар, ә гәүдәсен шартлаткыч матдәләр һәм пиротехник составларны сынау өчен бронялы чокырга әйләндерәләр. 1950нче еллар башында чокырны күмеп, өстенә мәхзән төзиләр.

Шуннан соң танк та, аның төгәл урыны да әкренләп онытыла. Вакыт-вакыт аның турында институт фольклоры дәрәҗәсендә генә сөйләп алалар - күбрәк әкият кебек кабул ителә.

Быел август аенда, эшчеләр шул мәхзән биналарын сүткәндә, очраклы рәвештә танкка юлыгалар. Шулай итеп күп еллар буе риваять дип кенә саналып килгән хикәя чынбарлыкка әверелде.

〰️〰️〰️〰️〰️〰️
СҮЗЛЕК:
💡КМТТУ-КАИ - КНИТУ-КАИ
(Казан милли тикшеренү технология университеты - Казан авиация институты -  Казанский национальный исследовательский технологический университет - Казанский авиационный институт)
💡надир - редкий
💡йөрткеч - двигатель
💡көпшә - ствол
💡гәүдә - корпус
💡бронялы чокыр - бронеяма
💡мәхзән - склад
💡риваять - легенда

🤩Татар дулкыны - татарлар турында татар телендә

УКРАИНА «ТАТМЕДИА»ГА КАРШЫ САНКЦИЯЛӘР КЕРТТЕ

Украина Президенты Владимир Зеленский фәрманы белән «Татмедиа» акционерлык җәмгыятенә каршы санкцияләр кертелде. Шулай ук кара исемлеккә өч медиаменеджер керде: «Татмедиа»ның баш мөдире Шамил Садыйков, «Татмедиа»ның медиа мөдире Алсу Исмагилова,  «Татар-информ» мәгълүмат агентлыгының баш мөхәррире Ринат Билалов.

Фәрман нигезендә «Татмедиа»гә түбәндәге чикләүләр кертелә: 
🔹активларны блоклау; 
🔹сәүдә операцияләрен тулысынча туктату; 
🔹сәрмая чыгаруын тыю; 
🔹икътисади һәм финанс йөкләмәләрне үтәүне туктатып тору; 
🔹Украина җирендә медиаконтент таратуны тыю; 
🔹электрон коммуникация хезмәтләрен күрсәтүне чикләү.

Аерым пункт белән tatar-inform.ru һәм tatar-inform.tatar сайтларын Украина җииендә блоклау, шулай ук аларга бәйле Telegram һәм YouTube каналларга керүне чикләү күздә тотыла.

Моннан алда, 2025нче елның март аенда, Латвиянең Электрон медиалар милли шурасы «Татар-информ» ресурсларын Латвия җирендә блоклау турында карар кабул иткән иде

〰️〰️〰️〰️〰️〰️
СҮЗЛЕК
💡сәрмая - капитал

🤩Татар дулкыны - татарлар турында татар телендә

🔤🔤🔤🔤🔤🔤
🔤🔤🔤🔤🔤🔤🔤

Растеряться - каушау
Достопримечательность - күренекле урын
Склад - мәхзән
Паводок - су ташкыны
Копия - күчермә
Бурый - көрән
Ушан - озын колаклы ярканат
Летучая мышь - ярканат
Коттеджный посёлок - кәтиҗ бистәсе
Апелляция - истинаф
Холостяк - буйдак
Произведение - әсәр
Звездопад - йолдызлар атылуы
Метеор - атылган йолдыз
Созвездие - йолдызлык
Фонарь - чырак
Бинокль - дурбин
Коллекция - тупланма
Политическая партия - фирка
Бобёр - кондыз
Плотина - буа
Полюс - котып
Северная широта - төньяк киңлеге
Ледокол - бозваткыч
Хоровод - әйлән-бәйлән
Архипелаг - утраулык
Болельщик - җанатар
Великан, гигант - алып
Хоккей - кәшәкә уены
Фамилия - нәсел исеме
Чемодан - җамәдан
Конкурсант - ярышчы
Маска - битлек
Ковёр, дорожка - келәм
Хищник - ерткыч
Дурачиться - тилеләнү
Охота - ау
Подрядчик - подрядчы
Оползень - җир убылуы
Наводнение - ташкын
Землетрясение - җир тетрәү
ЮАР - КАҖ
Автономия - мөхтәрият
Эмиграция - һиҗрәт
Мобилизация - сәфәрберлек
Борщевик - балтырган
Площадь - йөззурлык
Менструация - күрем
ЦРУ - ҮРИ
Попытка - омтылыш

🤩Татар дулкыны - татарлар турында татар телендә

«ГӘҮҺӘР» ПРОЕКТЫНЫҢ ЯҢА СЕЗОНЫНА СТАРТ БИРЕЛДЕ! 

25нче сентябрьдә Казан Башкарма комитетының зур киңәшмәләр залында «Гәүһәр» проектының 6нчы сезоны рәсми рәвештә ачылды. 

Яңа сезонга бурычлар билгеләүгә багышланган очрашуда мәктәп мөдирләре, балалар бакчалары мөдирләре һәм иҗат коллективлары вәкилләре катнашты. Җыелышны Казан шәһәре Мэры урынбасары Гүзәл Сәгыйтова алып барды. 

«Гәүһәр» мәдәни-агарту проекты 2022 елдан башлап Казан мәктәпләре һәм балалар бакчаларында уңышлы гамәлгә ашырыла. Дүрт ай дәвамында шәһәрнең 20 балалар бакчасында һәм 46 мәктәбендә тәрбияләнүче һәм укучы балалар: 
⭐️татар халык биюе элементларын үзләштерә; 
⭐️сәхнәдә татарча дөрес һәм матур сөйләшү осталыгына өйрәнә; 
⭐️татар милли уен коралларында уйнарга өйрәнә; 
⭐️татар халык һәм эстрада җырларын башкара. 

Проектның барлык дәресләре дә тулысынча татар телендә үткәрелә. Бу балаларда татар телен, милли мәдәниятне һәм гореф-гадәтләрне ярату хисен ныгыта.

Татар теле һәм мәдәниятенә багышланган проектлар Казан мэриясендә Гүзәл Сәгыйтова эшли башлагач актив рәвештә барлыкка килә башладылар.

〰️〰️〰️〰️〰️〰️
СҮЗЛЕК:
💡урынбасар - заместитель

🤩Татар дулкыны - татарлар турында татар телендә

Яңалыклар укып татар телен өйрәнәбез - атналык күзәтү

1️⃣Рәсәйдә YouTube караучылар саны, сервисны блоклауга карамастан, тагын да арткан, дип күрсәтә ихсаият мәгълүматлары. Елның беренче яртысында уртача карау вакыты 24 фаизга үсеп, көненә 99 минутка җиткән, ә Rutube аудиториясе киресенчә кимүен дәвам иткән.

2️⃣Сбер банк картасын банкомат аша алу технологиясен сынап карый башлады. Хәзер ул Түбән Новгородтагы 70 банкоматта эшли һәм Сбер мөштәриләренә исеме язылмаган «Мир» картасын чыгарып бирә. Пилот режимы тәмамланганнан соң, банк бөтен ил буенча бу функцияне кертү мөмкинлеген карыячак.

3️⃣УАЗ ширкәтендә яңа «Буханка» турында «ми штурмы» бара. Ширкәт легендар модельне яңарту вариантларын карый, дип белдерде УАЗ ширкәтенең баш мөдире Илнур Сәхәбиев. Идеяларның берсе - иске платформаны калдырып, аңа яңа кузов кую варианты да бар.

4️⃣Сбер рәсәйлеләрнең иң яраткан өч бренды исемлегенә кергән, дип хәбәр итә НАФИ рейтингы. Беренче урында - «Ozon», икенче урында - «Яндекс», ә «Сбер» өченче урынын саклап калган. Рейтинг 30 мең балигъ рәсәйлеләр арасында үткәрелгән. Катнашучылар үзләрендә иң җылы хисләр уяткан брендларны атаганнар.

5️⃣Рәсәйдә грипп, ОРВИ һәм COVID-19 белән авыручылар саны бер атна эчендә өчтән бер өлешкә арткан, дип күрсәтелә Роспотребнадзор мәгълүматларында. Бер атна эчендә 734 мең очрак теркәлгән, бу алдагы атна белән чагыштырганда 33,8 фаизга күбрәк.

6️⃣Рәсәйдә ерак юлга йөрүче поездларның 1нче октябрьдән плацкарт вагоннарына билетлар 9,2% кыйммәтләнә, дип билгеләнгән хөкүмәт карарында.

7️⃣Рәсәйдәге иң озын баскычны аюлар аркасында сәяхәтчеләр өчен яптылар. Торгашин баскычы Красноярск краенда «Столбы» тыюлыгы белән Торгашин тау сырты арасында урнашкан. Баскыч 1,2 чакрымга сузылган.

8️⃣Ауропа Берлеге Татарстан рәисе Рөстәм Миңнехановка санкцияләр кертте. Сәбәп - Миңнеханов Украинадагы сугыш зонасыннан балаларны эвакуацияләү белән бәйле.

9️⃣Санкт-Петербургта коронавирус белән бәйле чикләүләр төгәлләнә. 1нче октябрьдән шәһәрдә 2020нчы елдан бирле булган пандемия чараларын гамәлдән чыгаралар.

1️⃣0️⃣Рәсәйдә кыслаларны канунсыз рәвештә тоткан өчен штраф 15 тапкырга артты: һәрбер кысла өчен штраф 115 сумнан 1688 сумга хәтле арткан.

〰️〰️〰️〰️〰️〰️
СҮЗЛЕК:
💡мөштәри - клиент
💡балигъ - совершеннолетний
💡тау сырты - хребет
💡кысла - рак

🤩Татар дулкыны - татарлар турында татар телендә

🔤🔤🔤🔤🔤🔤🔤🔤

🔤🔤🔤🔤🔤🔤🔤🔤🔤🔤

Яңалыклар укып татар телен өйрәнәбез - атналык күзәтү ➡️ укырга

Уфада БТКның утырышы узды ➡️ укырга

Объектларны саклау чыгымнары турыдан-туры халык һәм бизнес түли торган тарифларга кҗчергә мөмкин ➡️ укырга

Әфганстанда татар теле буенча онлайн-проект эшләтеп җибәрергә планлаштыралар ➡️ укырга

Австралиядә тәүге зур татар корылтае узачак ➡️ укырга

60 ел элек Түбән Кама шәһәр статусы алды ➡️ укырга

🤩Татар дулкыны - татарлар турында татар телендә

60 ЕЛ ЭЛЕК ТҮБӘН КАМА ШӘҺӘР СТАТУСЫ АЛДЫ

1966нчы елның 22нче сентябрендә Түбән Камага рәсми рәвештә шәһәр статусы бирелә. Ул чакта Кама ярындагы кечкенә генә эшчеләр авылына нибары 5 яшь кенә була.

Шәһәр тарихы 1961нче елдан, эре карамай кимьясы комплексы төзелеше башлану белән бәйле. Урын очраклы гына сайланмый: янәшәдә Идел һәм Чулман, тимер юл һәм машина юллары үтә һәм иң мөһиме - ТАССРның карамай ресурслары якында урнашкан була.

Сәнәгать эшханәләре белән беррәттән, торак кварталлар, мәктәпләр, балалар бакчалары, хастаханәләр, мәдәният йортлары, спорт корылмалары үсә. Бирегә төрле төбәкләрдән төзүчеләр, мөһәндисләр, эшчеләр җыела, һәм алар бергәләп яңа шәһәр төзи.

Кыска гына вакыт эчендә кечкенә авыл Татарстанның иң эре сәнәгать үзәкләренең берсенә әйләнә.

Бүген Түбән Кама - җөмһүрияттә халык саны буенча өченче шәһәр. Монда 250 меңнән артык кеше яши, һәм сәнәгать һаман да шәһәр икътисады нигезе булып кала.

60 ел эчендә Түбән Кама үзенең баштагы проект кысаларыннан чыгып, төбәкнең сәнәгать үзәгеннән карамай эшкәртү һәм карамай кимьясы буенча, киңкүләм җитештерү кәсәбәләре һәм яңа инвестицион проектлар җәлеп иткән эре үзәк дәрәҗәсенә күтәрелде.

Бүген Түбән Камада шәһәр көне билгеләп үтелә. Туган көнең белән, Түбән Кама!

〰️〰️〰️〰️〰️〰️
СҮЗЛЕК:
💡карамай кимьясы комплексы - нефтехимический комплекс
💡Чулман - Кама
💡эшханә - предприятие (мәгънәдәш «кәсәбә»)
💡җитештерү - производственный

🤩Татар дулкыны - татарлар турында татар телендә

Австралиядә 🇦🇺 тәүге зур Татар Корылтае узачак

#лонгрид

26нчы сентябрьдән Австралиянең Аделаида шәһәрендә бер атналык «Австралия Татар Корылтай-Форумы» старт ала.

Корылтайның төп чарасы - иҗтимагый конференция. Конференция заманча милли үзбилгеләнү, белем, күченү тарихы һәм гражданлык инициативаларына багышланган.

Форум үткәрү идеясе ел башында җирле инициатив төркем эчендә туды. Оештыручылар билгеләп үткәнчә, бу чара соңгы елларда күзәтелгән глобаль «татар ренессансы»на җавап буларак барлыкка килде.

«Татар ренессансы» нәрсә ул? Ул түбәндәге күренешләрдә ачык чагыла: 
⏺татар темасына рус телендә, һәм төрле юнәлешләрдә татар телендә интернет‑контентның кимендә 10 тапкырга артуы; 
⏺яшьләр арасында үз тамырларына кызыксынуның кискен көчәюе; 
⏺диаспора тормышының сыйфат ягыннан катлаулануы, Сабантуйлар  кысаларыннан күпкә читкә чыгуы.

Форум Аделаиданың Татар Йортында башланачак. Башта катнашучыларны каршы алалар, танышалар, аралашалар. Аннан соң җомга намазы укыла, татар телендә вәгазь була. Оештыручылар моны аеруча символик дип саный: күп гасырлар дәвамында тел, иман һәм мәдәният татарларга, кайда гына яшәсәләр дә, үзбилгеләнүләрен саклап калырга ярдәм иткән.

Намаздан соң Татар Йорты хуҗасы, эшмәкәр Рөстәм Сәдри исеменнән уртак чәй өстәле көтелә. Бу - бер өстәл артына җыелып, тыныч шартларда сөйләшү, иске дуслар белән күрешү һәм яңа танышлар табу мөмкинлеге.

Оештыручыларның берсе, имам Булат Ишмөхәммәтов, Корылтайның максатын болай дип аңлата: бу - җыр‑биюле гадәти мәдәни бәйрәм генә түгел. Максат - Австралия татарлары очраша, аларны нәрсә берләштерүе турында, диаспораның проблемалары һәм мөмкинлекләре, һәм иң мөһиме - киләсе буынга нәрсә тапшырырга кирәклеге турында фикер алышу мәйданы булдыру.

Австралиядә татарлар күп түгел: 2021 елгы җанисәп буенча, кыйтгада татар тамырлы якынча 1000 кеше яши (ягъни һәр 25 мең кешегә бер татар). Шулай да инициативага кызыксыну көтелгәннән күпкә зуррак булды - форумга 87 кеше теркәлде.

Форум башка кыйтгалардагы татар диаспоралары тарафыннан да киң хуплау тапты. Халыкара секция кысаларында АКШ, Канада, Алмания һәм Казакъстаннан спикерларның видеодокладлары тәкъдим ителәчәк. Аерым алганда, Канададан Алимә Салахутдинова -
Төньяк Американың танылган татар онлайн‑мәктәбен һәм балалар лагерен нигезләүче - үзенең уникаль тәҗрибәсе белән уртаклашачак.

Аделаидага шәхсән килә алмаганнар өчен төп чыгышлар һәм төп презентацияләрнең видеоязмалары 26нчы сентябрьдән башлап YouTube-та ирекле карау өчен ачык булачак.

〰️〰️〰️〰️〰️〰️
СҮЗЛЕК:
💡күченү - миграция
💡җанисәп - перепись населения
💡кыйтга - материк

🤩Татар дулкыны - татарлар турында татар телендә

Әфганстанда 🇦🇫 татар теле буенча онлайн-проект эшләтеп җибәрергә планлаштыралар

Әфганстандагы Рәсәй эшлекле үзәге, Рәсәй һәм Әфганстан тел белгечләре белән берлектә, җирле кабиләләр теленең үзенчәлеген һәм шивәсен исәпкә алып, әфган татарлары өчен заманча татар телен өйрәнү буенча онлайн‑проект эшләтеп җибәрергә планлаштыра. 

Әфганстанның Рәсәй эшлекле үзәгендә аңлатуларынча, әфган татарларының күбесе хәзерге татар телен өйрәнергә тели. Ул аларга бөтендөнья татар җәмәгатьчелеге белән аралашу өчен кирәк. 

Оештыручылар сүзләре буенча, әгәр проект тулы көченә эшли башласа, иң сәләтле катнашучыларны Татарстанга стажировкага җибәрү мөмкинлеге каралачак. Әфганстандагы Рәсәй эшлекле үзәге бу мәсьәләдә хөкүмәт һәм Татарстан Рәисе Рөстәм Миңнеханов ярдәменә бик өметләнә

〰️〰️〰️〰️〰️〰️
СҮЗЛЕК:
💡кабилә - народ, племя
💡шивә - диалект
💡мәсьәлә - задача

🤩Татар дулкыны - татарлар турында татар телендә

Монополиягә каршы федераль хезмәт (МКФХ) энергетика объектларын саклау һәм торгызу чыгымнарын кулланучылар түли торган электр энергиясе тарифларына кертергә тәкъдим итә

Фәрман проекты буенча, электр энергиясен тапшыру хезмәтләре тарифын исәпләгәндә челтәр шеркәтләренә түбәндәге чыгымнарны кертү рөхсәт ителергә мөмкин:

🔸эшчеләрне зарарлаудан саклау; 
🔸җиһазларны һәм биналарны саклау корылмалары төзү; 
🔸объектларны хәрбиләштерелгән саклау; 
🔸пилотсыз очу аппаратларын (дроннарны) ачыклау һәм аларга каршы тору чаралары; 
🔸мәгълүмати иминлек; 
🔸электр челтәре объектларын зыян күргәннән яки диверсиядән соң торгызу.

МКФХ документыннан күренгәнчә, тарифка киләчәктәге чыгымнар гына түгел, ә 2022-2025 елларда инде тотылган саклау һәм торгызу чыгымнарын да кертү планлаштырыла. Бу челтәр оешмаларына элекке еллар чыгымнарын киләчәк тарифлар исәбенә капларга мөмкинлек бирәчәк.

Әгәр проект кабул ителсә, яңа кагыйдәләр 2026нчы елның 1нче октябреннән гамәлгә керәчәк. 

💬Кыскасы, объектларны саклау чыгымнары турыдан-туры халык һәм бизнес түли торган тарифларга күчергә мөмкин.

〰️〰️〰️〰️〰️〰️
СҮЗЛЕК:
💡МКФХ - ФАС
💡фәрман - приказ
💡хәрбиләштерелгән - военизированный

🤩Татар дулкыны - татарлар турында татар телендә

Кичә, 21нче сентябрь көнне, БТКның (Бөтендөнья татар конгрессының) Башкортстандагы вәкиллегендә җирле татар оешмалары җитәкчеләре белән утырыш узды. 

Утырыш барышында 2027нче елда Башкортстанда узачак мөһим чаралар турында фикер алыштылар, һәр җитәкче үз оешмасының эшчәнлеге белән таныштырды.

Иң масштаблы проектларны уртак көч белән эшләп гамәлгә ашыру зарурлыгы аерым билгеләп үтелде. 

〰️〰️〰️〰️〰️〰️
СҮЗЛЕК:
💡БТК - ВКТ
💡вәкиллек - представительство
💡җирле - местный
💡утырыш - заседание

🤩Татар дулкыны - татарлар турында татар телендә

Яңалыклар укып татар телен өйрәнәбез - атналык күзәтү

1️⃣Рәсәйдә 5G челтәрe «яңа билгеле 4G» гына булып чыкты. Мәскәүдәге сынаулар күрсәткәнчә, яңа 5G челтәре тизлекне арттырмый диярлек, ә кайбер урында хәтта 4G челтәренә караганда да акрынрак эшли, дип яза ММЧ. Белгечләр сүзләре буенча, тулысынча 5G өчен кирәкле ешлыклар башка идарәчелекләр тарафыннан биләп алынган, шуңа күрә яңа челтәр күбесенчә 4G белән бер үк ешлыкларда эшли.

2️⃣Мәскәүдә Рәсәйнең иң зур бизәнү әйберләре брендларының берсе MIXITнең баш мөдире Олег Пай тоткарланган. Аны эре күләмле алдаркараклыкта шикләнәләр.

3️⃣Сайлау вакытында Ерак Көнчыгышта бик көчле диверсия булды. Сахалинда билгесез затлар элемтә линиясе терәген кисеп аударганнар, ә Хабаровск краенда кабельне өзгәннәр. Шуның аркасында вакытлыча дүрт өлкә элемтәсез калган.

4️⃣НАТО Ауропа көнчыгышында кораллы бәхәскә әзер. Моның өчен НАТО илләре гаскәрләрне, кораллануны һәм хәрби инфраструктураны арттыра.

5️⃣Режиссёр Андрей Звягинцев чит ил агенты дип танылды. Сәбәбе - аның яңа фильмы «Минотавр» Канн кинофестивалендә Гран-при алган вакытта сәхнәдән президентка мөрәҗәгать итүе.

6️⃣Казан блогеры Никита Кузнецов Казаннан Алматага җәяү барып җиткән. Юл 120 көн дәвам иткән: шул вакыт эчендә ул 3 мең чакырымнан артык юл үткән.

〰️〰️〰️〰️〰️〰️
СҮЗЛЕК:
💡ММЧ - СМИ
💡идарәчелек - ведомство
💡алдаркараклык - мошенничество
💡терәк - опора

🤩Татар дулкыны - татарлар турында татар телендә

🔤🔤🔤🔤🔤🔤🔤🔤

🔤🔤🔤🔤🔤🔤🔤🔤🔤🔤

Яңалыклар укып татар телен өйрәнәбез - атналык күзәтү ➡️ https://t.me/tatar_dulkyny/1641

Казан милли ярыммарафоны 2026 медале чулпы формасында булачак ➡️ https://t.me/tatar_dulkyny/1642

«Урал таулары илчелеге» проекты һәм Уфа халкының намуслылыгы турында ➡️ https://t.me/tatar_dulkyny/1646?single

Августта чыккан яңа җырлар тупланмасы ➡️ https://t.me/tatar_dulkyny/1647

Польшада «Tatarlend» татар ресторанына каршы протестлар уза ➡️ https://t.me/tatar_dulkyny/1648

Грозныйда Чечнядәге тәүге «Вкусно - и точка» рестораны ачылды ➡️ https://t.me/tatar_dulkyny/1649

🤩Татар дулкыны - татарлар турында татар телендә

Грозныйда Чечнядәге тәүге
«Вкусно - и точка» рестораны ачылды

15нче сентябрьдә Грозныйда Чечнядәге беренче «Вкусно - и точка» рестораны ачылды. Ул тулысынча хәләл форматта эшли: менюда чучка ите бөтенләй юк, ә сыер һәм тавык ите халыкара хәләл стандартлары буенча сертификацияләнгән. Һәм бу Рәсәйдә беренче хәләл «Вкусно - и точка» рестораны.

Яңа ресторанга Чечня җитәкчесе Рамзан Кадыров кызы Хәдичә Кадырова белән килеп, менюдан төрле ризыкларны татып караган.

Төньяк Кавказда Чечнядан тыш «Вкусно - и точка» рестораннары тагын Кабарда-Балкариядә (2 ресторан) һәм Төньяк Осетиядә (1 ресторан) ачылган.

Дагыстанда, Ингушетиядә һәм Карачай-Чиркәсиядә әлегә бу челтәр рестораннары бөтенләй юк.

🤩Татар дулкыны - татарлар турында татар телендә