🚫Tale Bağırzadə Əli Kərimliyə başsağlığı ünvanladı.

Tale Bağırzadə həbsxanadan AXCP sədri Əli Kərimliyə başsağlığı ünvanlayıb.
İlahiyyatçı, Əli bəyin atasının dünyasını dəyişməsi ilə bağlı üzüntüsünü ifadə edib.
““Hər bir kəs (canlı) ölümü dadacaqdır...” Ali İmran surəsi, 185-ci ayə.

Ölüm insan həyatının nəhayətidir və hər bir insan yaradılışdan ölümü dadacaq bir həqiqətə doğru addımlamaqdadır. Bəşər dünyaya intahan olunmaq, içindəki həqiqəti ortaya qoymaq üçün gəlir, yaşayır və dünyasını dəyişir.

Həbsxana həyatı və burada əzizlərin itkisi ilə bağlı alınan acı xəbərlərin insanda necə təsirlər yaratmasını təsəvvür etmək çətin deyil. Xüsusi olaraq bu valideyn – ata kimi əziz bir insanın olması və bütün bunları dəmir barmaqlıqlar arasından duymaq həqiqətdə acını daha da artırır.

Biz Əli bəyin atasının vəfatı ilə bağlı kədərini bölüşür, Allahdan ona və ailəsinə səbr, mərhuma isə rəhmət diləyirik. Allah rəhmət eləsin.”


Abunə olun 🇦🇿 t.me/Tale_Bagirzade