SVAJKSTA

"Імёны на варце прускай Сембы" на сайце.

@svajksta_by

Калі вы сабраліся да Заслаўскага музея паглядзець выставу ліштваў, дык ліштваў там не так шмат, і тыя без змеек.

Але! Тут побач цяпер цэлая зала часовай (да сярэдзіны кастрычніка) экспазіцыі, прысвечанай абарончай магіі, абярогам. Пра гэтую не так гавораць, як пра ліштвы, а дарма.

Трохі крыжоў і пара абразоў, але сама атмасфера такая, што тут хочацца пабыць. І нібы для роздуму пастаўленая даўняя лаўка, з якой уся выстава аглядаецца. На сценах замест тлумачэнняў — народная простая мова.

Умеюць жа і ў глыбіню, калі хочуць.

#СвайкстаТут

@svajksta_by

Шагал? Каторы з хасідаў? Толькі каб прымазацца да таго, каго Парыж прыняў? Дык Парыж каго толькі ні прымаў.

▫️Для тых, хто ўгрунтаваны ў сваё Тут, — Рушчыц і яго Яблыні, або Зямля.

▫️Для аматараў старыны і літоўшчыны — Альхімовіч (наш, шчучынскі). Вось Свіцязянка.

▫️З візіянерскага высокага — літоўскі Чурлёніс (такі Драздовіч на максімалках, касміст і геаметрыст). Алтар.

▫️З хтанічнага — латышскі Зарыньш (Славук на максімалках). Курбад.

Так, па суседзях раскідана, трэба паднапружыцца, каб мець укучы.

А ў Шагала душны вайб цяпліцы пад пахамі. Ён тут ні да чаго.

@svajksta_by

Сёння, як даўней верылі, змеі ідуць у сон.
Паводле М. Прэторыуса, прусы і літоўцы месца спання змей называлі migis (ад migti "спаць, засынаць").
Таму ў лес не хадзілі, каб не замінаць, у тое святое дзеянне чалавеку не ўкручвацца.

Дык у лес не ідзіце, а паглядзіце відэа з дудамі, як у розных месцах гралі сёлета на Дзень адзінства балтаў 22 верасня.

#ДзеньАдзінстваБалтаў

@svajksta_b

Сёння другі, сярэдзінны дзень поўні — і сярэдзіна 10-га паслякаляднага лунарнага месяца.

Пара дзядоў ужо пачаўшыся, а пачынаецца ж калі бярэцца падаць лісце з дрэў.
— Вось наша штодзённая натуральная "медытацыя", яна суправаджае нас у гэтую пару, дзе б мы пад небам ні былі.
— Лісты адрываюцца і падаюць зусім як людзі, што адыходзячы адрываюцца ад дрэва жыцця.

У XVIІ стагоддзі жыхары Ніжняга Падзвіння яшчэ захоўвалі старыя назвы месяцаў, і кастрычнік называлі Месяц дзядоў, Велю менес. Ажно чатыры тыдні ўшаноўвалі дзядоў, пісаў П. Эйнгорн.

#НябесныяБегі #Дактрынальнае

@svajksta_by

На святой жамойцкай гары Шатрыі, святкуючы Дзень адзінства балтаў 22 верасня, сярод іншых сцягоў — сіня-чорна-сіні сцяг балтаў усходу (Падняпроўе, Павочча), побач з такім жа неафіцыйным жамойцкім.

#ДзеньАдзінстваБалтаў #СіняЧорнаСіні

@svajksta_by

Дзень адзінства балтаў у Менску

Сапраўднае свята выходзіць не толькі калі нагода належная і інтэнцыя шчырая. Але і калі з укладам кожнага лепш, чым было б без яго.
Той прыносіць два мяхі дроў або ўдоўгую грае ў дуду, гэты рупіцца шэдэўральным сталом з пачастункам або развучвае балцкія песні. Ніхто не назіральнік, але кожны — удзельнік.

Таму і дождж адступае, і хмары разыходзяцца — ад настойлівасці. Менавіта ў аўторак надвор'е круціла так, нібы ўвесь тагасвет зліваўся з нашым светам праз расчыненую браму. І такое суправаджэнне гэтага свята не ўпершыню ж.

Было і не толькі ў Менску, і шмат хто перад непагаддзю не адступіў.

#ДзеньАдзінстваБалтаў #МенскНаш

@svajksta_by

"Дзень адзінства балтаў" — у такім парадку слоў збольшага кажуць ва ўсіх індаеўрапейскіх мовах. Апроч... балцкіх, дзе даслоўна гэта гучыць "Балтаў адзінства дзень" (літ. Baltų vienybės diena).

Гэтак ва ўсіх такіх словазлучэннях — "кропка зборкі" не паперадзе, а прыканцы. Але ці гэта проста розны парадак слоў?

Гэта розныя кагнітыўныя стылі (кажа даследаванне). Пры "балцкім" стылі — чалавек даўжэй трымае несабранае. Адтэрміноўвае яго кансалідацыю. Мае павышаную талерантнасць да няпэўнасці.

Думаючы далей: гэта калі праявы і мноства не менш важныя за іх паяднанне ў адзіны парадак. Не адзіны бог-творца і яго ўпарадкавальны прынцып, а аўтаномныя вобласці Сонца, Зямлі, Леса, Агня, Люду...

Старыя індаеўрапейскія мовы ўжывалі абодва парадкі, але балцкія строга выбралі "паганскі" кірунак.

У гэтым рэчышчы і апошні свайксцкі тэкст пра замовы.

#Дактрынальнае

@svajksta_by

🔥
Sen Balton ainīngiskvas dēinan!
🔥
З Днём адзінства балтаў!
🔥

🔵⚫️🔵

Хай нашы продкі нам усім спрыяюць!

@svajksta_by

Буклет пра гісторыю і перадгісторыю святкавання Дня адзінства балтаў 22 верасня (заўтра).

Лёгка раздрукаваць, падзяліцца, пераслаць.

#ДзеньАдзінстваБалтаў #СвайксцкіяДрукі

@svajksta_by

Тэкст пра замовы тут.

Агні Дня адзінства балтаў ужо заўтра, распальваем а восьмай вечара.

#ДзеньАдзінстваБалтаў #Дактрынальнае

@svajksta_by

Пакуль увесь свет калоціць, вось так учора сядала сонца над былым лясным Святым возерам пад Асіповічамі, у нізоўях Свіслачы.

Там нават ужо не балота, а ледзь прыкметны прагал у лесе, з балотнай расліннасцю.

Старая з суседняй вёскі кажа ад ранейшых старых чуўшы, што тут царква правалілася. На яе памяці тут ужо хіба мох бралі на хаты, ды ў журавіны хадзілі.
З яе гаворкі: не крэпка далёка; Свіслач та́мань (туды).

А на іншым фота паказалася тое, чаго вачыма не бачна.

#СвайкстаТут

@svajksta_by