Surxondaryo viloyat adliya boshqarmasi (Rasmiy sahifa)

BIZ GIYOHVANDLIKKA QARSHIMIZ!

O‘zbekiston Respublikasi Prezidentining 2024-yil 6-maydagi PF–73-son hamda 2025-yil 3-noyabrdagi PF–207-son farmonlari ijrosini ta’minlash, aholi salomatligi va millat genofondini giyohvandlik vositalari hamda psixotrop moddalarning salbiy ta’siridan himoya qilish maqsadida joylarda targ‘ibot-tashviqot tadbirlari izchil davom ettirilmoqda.

Shuningdek, O‘zbekiston Respublikasi Ichki ishlar vazirining 2026-yil 30-sentabrdagi 307-sonli hamda Surxondaryo viloyati IIB boshlig‘ining 2026-yil 1-oktabrdagi 113-sonli farmoyishlari ijrosi doirasida 1-oktabrdan 1-noyabrga qadar viloyat hududida "Yoshlar orasida giyohvandlik vositalari va psixotrop moddalar tarqalishining oldini olish" kompleks tezkor-profilaktik tadbirining uchinchi bosqichi o‘tkazilmoqda.

Mazkur tadbirlar doirasida bugun Boysun tumani hokimligida "Biz giyohvandlikka qarshimiz!" shiori ostida targ‘ibot tadbiri va davra suhbati tashkil etildi.

Unda tuman hokimi B. Shukurov, tuman IIB boshlig‘i F. Murtazoyev hamda tuman adliya bo‘limi boshlig‘i N. Mamadiyev ishtirok etib, giyohvandlik vositalari va psixotrop moddalarning inson salomatligi, ruhiy holati hamda jamiyat hayotiga salbiy ta’siri haqida fikr-mulohazalarini bildirdilar.

Davra suhbati davomida giyohvandlikka ruju qo‘yishning ayanchli oqibatlari, giyohvandlik vositalarining noqonuniy muomalasi bilan bog‘liq huquqbuzarliklar uchun qonunchilikda belgilangan javobgarlik choralari, shuningdek, yoshlarni zararli illatlardan asrashning dolzarb masalalari muhokama qilindi.

Shu bilan birga, yoshlarning bo‘sh vaqtini mazmunli tashkil etish, ularni sport va foydali mashg‘ulotlarga keng jalb qilish, sog‘lom turmush tarzini targ‘ib etish hamda huquqiy madaniyatini yuksaltirish muhimligi ta’kidlandi. Ishtirokchilar o‘zlarini qiziqtirgan savollarga javob olib, mavzu yuzasidan o‘zaro fikr almashdilar.

Zero, giyohvandlikka qarshi kurashish va yosh avlodni ushbu illatdan himoya qilish — barchamizning umumiy vazifamiz. Sog‘lom, bilimli va yuksak ma’naviyatli yoshlar mamlakatimizning porloq kelajagi va mustahkam tayanchidir!

Bizni kuzating:
📱Veb-sayt | 📱Telegram | 📱Facebook | 📱 Instagram | 📹 Youtube

#Mualliflikni_himoya_qilish_oyi

⚖️ Mualliflik huquqi qancha muddat amal qiladi?

Mualliflik huquqining amal qilish muddati haqida batafsil ma’lumot olish uchun videoni tomosha qiling!

📌 Mualliflik huquqini bilish — ijodiy mehnatni qadrlash va uni himoya qilish demakdir.

Bizni kuzating:
📱Veb-sayt | 📱Telegram | 📱Facebook | 📱 Instagram | 📹 Youtube

#Adliya_xabari
#Kiberxavfsizlik

🔐 KIBERXAVFSIZLIK: ZAMONAVIY TAHDIDLAR VA HIMOYA CHORALARI

Bugun Boysun tumani hokimligi binosida “Kiberxavfsizlik: zamonaviy tahdidlar va himoya choralari” mavzusida targ‘ibot uchrashuvi tashkil etildi.

💻 Tadbirda tuman adliya bo‘limi boshlig‘i N. Mamadiyev, tuman hokimining raqamli va sun’iy intellekt texnologiyalarini rivojlantirish bo‘yicha maslahatchisi Zuhriddin Mo‘minov hamda tuman IIB boshlig‘i F. Murtazoyev ishtirok etib, zamonaviy kiberxavfsizlik tahdidlari va ulardan himoyalanish usullari yuzasidan batafsil tushuntirishlar berdilar.

⚠️ Xususan, fishing, zararli dasturlar va tovlamachi dasturlar (ransomware) orqali amalga oshiriladigan kiberhujumlar, internet firibgarligining keng tarqalgan usullari, shaxsiy ma’lumotlar va xizmat axborotlarini himoya qilish masalalariga alohida e’tibor qaratildi.

Shuningdek, rahbar va xodimlar tomonidan axborot xavfsizligi qoidalariga rioya etmaslik oqibatida yuzaga kelishi mumkin bo‘lgan xavflar, kiberjinoyatlarning oldini olish choralari hamda qonunchilikda belgilangan javobgarlik masalalari tushuntirildi.

❓ Tadbir yakunida ishtirokchilar o‘zlarini qiziqtirgan savollar bilan mutaxassislarga murojaat qilib, batafsil javoblar oldilar.

🛡Tadbirning asosiy maqsadi — xodimlarning kibersavodxonligini oshirish, zamonaviy kiber tahdidlardan ogohligini kuchaytirish, shaxsiy va xizmat ma’lumotlarini himoya qilish hamda raqamli xavfsizlik qoidalariga qat’iy rioya etish ko‘nikmalarini shakllantirishdan iborat.

Bizni kuzating:
📱Veb-sayt | 📱Telegram | 📱Facebook | 📱 Instagram | 📹 Youtube

#Adliya_xabari
#MenQoidalargaAmalQilaman
#HuquqiyChellenj

🏛 “Men qoidalarga amal qilaman” huquqiy chellenji o‘tkazildi!

📍 2026-yil 16-oktabr kuni yuridik texnikum talabalari ishtirokida “Men qoidalarga amal qilaman” huquqiy chellenji o‘tkazildi.
🚦 Yo‘llarda xavfsizlik qoidalariga rioya qilamiz!

Chellenj davomida talabalar yo‘l harakati xavfsizligi qoidalariga amal qilish, piyodalar o‘tish joyidan hamda svetoforning yashil chirog‘ida o‘tish zarurligini targ‘ib qildilar.

🌱 Jamoat tartibi va ekologiyani asraymiz!

Shuningdek, jamoat joylarida tozalikni saqlash, chiqindilarni faqat belgilangan joylarga tashlash, daraxtlar va yashil hududlarni asrashga chaqirildi.

✅ Chellenj yoshlar o‘rtasida qonun-qoidalarga hurmatni kuchaytirish, yo‘l harakati xavfsizligi va ekologik madaniyatni yuksaltirishga xizmat qildi.

Qoidalarga amal qilaylik — xavfsiz va obod hayot uchun!

Bizni kuzating:
📱Veb-sayt | 📱Telegram | 📱Facebook | 📱 Instagram | 📹 Youtube

Prezident Shavkat Mirziyoyev yoqilg‘i-energetika sohasidagi investorlar bilan ochiq muloqot o‘tkazmoqda.

Davlatimiz rahbari energetikani taraqqiyotning yuragi deb atab, barqaror energiya ta’minoti tadbirkorlar sarmoyasi va odamlarning ertangi kunga ishonchi uchun muhimligini ta’kidladi.

O‘n yil avval sohadagi muammolarni hal qilish, eskirgan quvvatlarni yangilash va o‘sib borayotgan talabni qoplash vazifalari belgilab olingan edi. Buning uchun energetika bozori xususiy sarmoyaga ochildi, davlat-xususiy sheriklik mexanizmlari joriy etildi. O‘tgan davrda sohaga 35 milliard dollar investitsiya kiritildi, hamkor davlatlar soni 2-3 tadan 10 tadan ortiqqa yetdi.

Quyosh, shamol va gidroelektr stansiyalari hisobiga qayta tiklanuvchi energiyaning jami generatsiyadagi ulushi 31 foizga ko‘tarildi. “Yashil” quvvatlar 11,1 gigavattni tashkil etmoqda. Aholi jon boshiga elektr energiyasi ishlab chiqarish 28 foizga oshib, 2 ming 300 kilovatt-soatga yetdi.

Bugun umumiy qiymati 4 milliard 700 million dollarlik 6 ta yirik loyiha bo‘yicha bitimlar imzolandi. Ular doirasida 3 ming megavatt generatsiya va 400 megavatt energiya saqlash quvvati yaratiladi.

Facebook|Instagram|X

#Qonunchilikdagi_yangiliklar

❗️ Konstitutsiyaviy sud to‘g‘risidagi yangi konstitutsiyaviy qonun qabul qilindi

O‘zbekiston Respublikasining "O‘zbekiston Respublikasining Konstitutsiyaviy sudi to‘g‘risida"gi Konstitutsiyaviy qonuni (O‘RQ–1181, 14.10.2026 y.) qabul qilindi.

🔰 Qonunga ko‘ra, Konstitutsiyaviy sud:

🔹 Qonunlar, Oliy Majlis palatalari qarorlari, Prezident farmon va qarorlari, Hukumat va mahalliy davlat hokimiyati organlari qarorlarining Konstitutsiyaga muvofiqligini aniqlaydi;

🔹 Qoraqalpog‘iston Respublikasi qonunlarining O‘zbekiston qonunlariga muvofiqligini aniqlaydi;

🔹 Oliy sud tashabbusi bilan kelgan normativ-huquqiy hujjatlarning Konstitutsiyaga muvofiqligi to‘g‘risidagi murojaatlarni ko‘rib chiqadi;

🔹 Konstitutsiyaviy sud o‘z vakolatlari doirasida Konstitutsiya va qonunlarni sharhlaydi.

📝 Boshqa muhim jihatlar:
➖ Konstitutsiyaviy sud sudyasi o‘n yil muddatga saylanadi, va har bir sudya yakka tartibda saylanadi;
➖ Konstitutsiyaviy sud tarkibi rais va uning o‘rinbosari bilan to‘qqiz nafar sudyadan iborat;
➖ Konstitutsiyaviy sud qarorlari va xulosalari rasmiy e’lon qilingan kundan kuchga kiradi.

📌 Qonun rasmiy e’lon qilingan kundan e’tiboran kuchga kiradi. Ayrim normalar (29-modda, 58-modda ikkinchi qismi va 59-modda) 2028-yil 1-yanvardan amalga kiritiladi.

Bizni kuzating:
📱Veb-sayt | 📱Telegram | 📱Facebook | 📱 Instagram | 📹 Youtube

#Adliya_xabari
#MenQoidalargaAmalQilaman
#HuquqiyChellenj

🏛 “Men qoidalarga amal qilaman” huquqiy chellenji o‘tkazildi!

✨ Yoshlar kuni doirasida yoshlar o‘rtasida qonunlarga hurmat ruhini mustahkamlash, ularning ma’naviy-huquqiy bilimlarini oshirish hamda huquqbuzarliklarning oldini olishga qaratilgan targ‘ibot tadbirlari tashkil etilmoqda.

📍 Boysun tumanidagi 1-sonli umumiy o‘rta ta’lim maktabida “Men qoidalarga amal qilaman” huquqiy chellenji doirasida uchrashuv va davra suhbati o‘tkazildi.

📆 2026-yil 16-oktabr kuni Boysun tuman adliya bo‘limi bosh maslahatchisi hamda tuman IIB Yo‘l harakati xavfsizligi xizmati xodimlari ishtirokida tashkil etilgan tadbirda o‘quvchilarga yo‘l harakati qoidalariga rioya qilish, piyodalar o‘tish joyidan va svetoforning yashil chirog‘ida o‘tish, xavfsizlik kamaridan foydalanish hamda transport vositasini boshqarishda telefondan foydalanmaslik yuzasidan tushuntirishlar berildi.

⚖️ Shuningdek, internetdan foydalanishda axborotlarni tanqidiy baholash, yoshlarni yot g‘oyalar ta’siridan himoya qilish, huquq va majburiyatlarini bilish hamda qonun-qoidalarga ongli ravishda rioya etish masalalariga alohida e’tibor qaratildi.

🎯 Tadbir yoshlarning huquqiy madaniyatini yuksaltirish, ularda xavfsiz xulq-atvor ko‘nikmalarini shakllantirish va qonunlarga hurmat ruhini mustahkamlashga xizmat qildi.

Bizni kuzating:
📱Veb-sayt | 📱Telegram | 📱Facebook | 📱 Instagram | 📹 Youtube