Yevroprotokol qachon kerak?

Yo‘l-transport hodisasi (YTH) sodir bo‘lganda asosiy vazifalardan biri — aybdorni aniqlash. Buning uchun YPX inspektori, surishtiruvchi yoki sudyani jalb qilish, avtomobillarni esa jarima maydonchasiga joylashtirish kerak bo‘ladi. Bu davlat uchun qimmatga tushadi. Shu bilan birga, hatto ikkala ishtirokchi ham kim haq, kim nohaq ekanini yaxshi bilsa ham, barcha tartib-taomillardan qonun bo‘yicha o‘tish talab etiladi.

Natijada, bir necha million so‘mlik zarar yetgan arzimas hodisani ko‘rib chiqish davlatga 10–15 million so‘mga tushishi mumkin.

Yevroprotokolning asosiy vazifasi — davlat xizmatchilarini keraksiz ishlardan xalos qilish va YTH ishtirokchilari o‘rtasida kelishmovchilik bo‘lmagan hamda zarar miqdori katta bo‘lmagan holatlar uchun jarayonni soddalashtirish.

Yevroprotokolni quyidagi hollarda rasmiylashtirish mumkin:

✔️ ishtirokchilar o‘rtasida kelishmovchilik bo‘lmasa;
✔️ YTHda faqat ikki nafar ishtirokchi bo‘lsa va ularning hujjatlari joyida bo‘lsa;
✔️ zarar miqdori katta bo‘lmasa (28 million so‘mgacha);
✔️ jabrlanganlar bo‘lmasa;
✔️ barcha ishtirokchilar hushyor bo‘lsa.
#sugurta #ozbekiston #sugurta #yevroprotokol #osago #osgovts