Новая кніга Югасі Каляды

Мала які занятак так арганічна спалучаецца з восенню, яе дажджамі і цёмнымі вечарамі, як чытанне кніг. У добры час новага кніжнага сезону выходзіць навэла "Вандроўка ліфтам", што абяцае быць цікавым і няпростым чытвом.

Як і папярэднія творы аўтаркі, гэта магічны рэалізм, што на першы погляд выглядае зразумелым тропам, напрыклад, як у папярэдняй кнізе "Перамена месцаў", дзе гераіні памяняліся целамі. Сюжэт нібыта далёкі ад арыгінальнасці, але гэта толькі завязка. Галоўнае — людзі, лакацыі (Гомель!) і абставіны, ў якіх адбываюцца падзеі, ну і, канешне ж, мова. Сакавітая, смачная і стылёвая.

У новым творы фантастычны сюжэт абернецца псіхалагічнай драмай пра выбар што мы робім, пачуццё віны і магчымасці што мы губляем.

«А што, калі месцы, якія мы пакінулі, не зьнікаюць, а завісаюць дзесьці ў малочным тумане мінулага? Што, калі ўсё яшчэ можна ўвайсьці ў свой дзіцячы пакой у бацькоўскай кватэры? Высунуць шуфлядку з унівэрсітэцкімі канспэктамі? Паглядзець гісторыю званкоў у мабільніку дваццацігадовай даўніны? Пасядзець на вэрандзе дома, які згінуў у пажары? А раптам можна нават даслаць ліст з таго сьвету на гэты — і атрымаць адказ?»

Хочаш даведацца, як далёка заедзе твой ліфт?

Замаўляй кнігу тут!