Красуйся, Це́рковь Ру́сская, / па́мять всесве́тлую Алекси́я досточу́днаго соверша́ющи / и пе́сненными похвалы́ того́ воспева́ющи: / ра́дуйся, Боже́ственныя любве́ свети́льниче, / бе́дствующим ско́рый помо́щниче и неду́жным исцели́телю, / и́щущим спасе́ния всему́дрый наста́вниче / и покая́ния в терпе́нии скорбе́й пропове́дниче. / Те́мже, о́тче богому́дре, не преста́й моли́ти Влады́ку Вседержи́теля // умири́ти мі́р и спасти́ ду́шы на́ша.