OpenAI kompaniyasi mutlaqo tabiiy so‘zlashuvga asoslangan GPT-Live ovozli modellarini taqdim etdi. Yangi texnologiya sizning gapingizni bo‘lmagan holda, bir vaqtning o‘zida ham eshitish, ham javob qaytarish imkoniga ega. Agar suhbat davomida murakkab mavzularga o‘tilsa, tizim avtomatik ravishda super-kuchli GPT-5.5 modelini ishga tushiradi.
Foydalanuvchilar muloqot uchun 9 xil ovozdan birini tanlashi, vizual kartochkalardan foydalanishi va neyrotarmoqning fikrlash chuqurligini o‘zi belgilashi mumkin. O‘tkazilgan testlarda ishtirokchilarning qariyb 75,7 foizi aynan shu yangi modelni afzal ko‘rdi.
Ekranni real vaqtda tahlil qilish va xavfsizlik funksiyalari yaqin orada qo‘shilishi kutilmoqda. Loyiha allaqachon iOS, Android va veb-versiyada ishga tushdi, uning mini-versiyasidan esa mutlaqo bepul foydalanish mumkin.
Bizni kuzatib boring: Telegram | Instagram | YouTube