Avval xabar berganimizdek, ertaga, 19-may kuni poytaxtimizda “Mirzo Ulug‘bek vorislari” respublika tanlovining yakuniy bosqichiga start beriladi.
Respublika boʻylab kechgan shiddatli saralashlardan muvaffaqiyatli o‘tib, hududiy bosqichlarda g‘oliblikni qo‘lga kiritgan jami 280 nafar iqtidorli yoshlar finalda qatnashish uchun Toshkent shahriga yetib kelishdi.
Toshkentda o‘tadigan mazkur finalda ishtirokchilarning yoshi va yoʻnalishlari ulushidan kelib chiqqan holda jami 100 nafar eng kuchli yoshlar g‘olib deb topiladi. Yakuniy bosqichda zafar quchgan ushbu 100 nafar vorisning har biri bazaviy hisoblash miqdori (BHM)ning 20 baravari miqdoridagi pul mukofoti hamda maxsus diplom bilan taqdirlanadi.
Yurtimiz innovatsion taraqqiyotiga hissa qo‘shishga bel bog‘lagan barcha yosh vorislarimizga hal qiluvchi final bosqichida omad tilaymiz!
Bizni kuzatib boring: Telegram | Instagram | YouTube