“Innotur”: talabalar uchun innovatsion imkoniyatlar sari yangi qadam
Bugun, 30-aprel kuni Innovatsion rivojlanish agentligi tashabbusi bilan Mirzo Ulug‘bek nomidagi O‘zbekiston Milliy universiteti talabalari uchun Agentlik binosida “Innotur” o‘tkazildi.
➡️Mazkur tadbir O‘zbekiston Respublikasi Prezidentining 2026-yil 11-fevraldagi PQ-59-sonli qarori ijrosini ta’minlash, yoshlarni innovatsion faoliyatga keng jalb etish hamda startap g‘oyalarni biznes loyihalarga aylantirishga ko‘maklashish maqsadida tashkil etildi.
Agentlikning Startap ekotizimi va hududiy rivojlanish boshqarmasi mutaxassislari tomonidan startap loyihalarni shakllantirish, ularni moliyalashtirish tartiblari hamda bozorga olib chiqish bosqichlari yuzasidan taqdimot o‘tkazildi.
Tadbir davomida ishtirokchilar o‘z g‘oyalarini amaliyotga joriy etish, shuningdek, davlat tomonidan taqdim etilayotgan imtiyozlar yuzasidan o‘zlarini qiziqtirgan savollarga javob oldilar.
Bizni kuzatib boring: Telegram | Instagram| YouTube