Agentlik tomonidan hududlarda innovatsion ekotizimni drayverga aylantirish va startap loyihalarni qo‘llab-quvvatlash ishlari tizimli davom ettirilmoqda. Haftaning eng muhim voqealari:
📍 Andijon viloyati:
Sanoat mashinalari uchun yeyilishga bardoshli polimer material yaratildi. Ushbu ixtiro import o‘rnini bosuvchi samarali yechim sifatida ishlab chiqarishga joriy etilmoqda.
📍 Samarqand viloyati:
“Payshanba — yoshlar kuni“ doirasida ochiq muloqot o‘tkazildi. Yoshlarga "Kelajak startaplari" tanlovida ishtirok etish va loyihalarni moliyalashtirish bo‘yicha yo‘l-yo‘riqlar berildi.
📍 Qoraqalpog‘iston Respublikasi:
Nukusda “Yashil innovatsiyalar” tanlovi yakunlandi. Atrof-muhit barqarorligiga xizmat qiluvchi eng yaxshi loyiha mualliflari pul mukofotlari bilan taqdirlandi.
📍 Farg‘ona viloyati:
Vengriyaning “Winergy Kft.” kompaniyasi bilan hamkorlikda Buvayda tumanida qurg‘oqchilikka qarshi innovatsion sug‘orish tizimini joriy etish loyihasi boshlandi.
📍 Jizzax viloyati:
JizPI talabalarining startap ishlanmalari tahlil qilinib, ularni tijoratlashtirish va davlat grantlariga yo‘naltirish bo‘yicha amaliy tavsiyalar berildi.
📍 Toshkent viloyati:
Sanoat chiqindilaridan nodir metallarni ajratib olishning yangi texnologiyasi ustida ilmiy tadqiqotlar olib borilmoqda. Bu resurs tejash samaradorligini keskin oshiradi.
📍 Qashqadaryo viloyati:
Qarshi yoshlar texnoparkida xalqaro andozalar asosida “Inkubatsiya zonasi” ochildi. Endi yoshlar o‘z g‘oyalarini zamonaviy laboratoriyalarda bepul realizatsiya qilishlari mumkin.
✅ “Kelajak startaplari” tanloviga start berildi!
Yoshlarning innovatsion g‘oyalari va startap loyihalarini qo‘llab-quvvatlashga qaratilgan “Kelajak startaplari” tanloviga jalb qilish bo‘yicha targ‘ibot tadbirlari respublikamizning barcha hududlarida qizg‘in davom etmoqda:
Andijon | Buxoro | Jizzax | Qashqadaryo | Namangan | Samarqand | Sirdaryo | Surxondaryo | Toshkent | Farg‘ona | Xorazm viloyatlarida yoshlar bilan uchrashuvlar tashkil etilmoqda.
Bizni kuzatib boring: Telegram | Instagram| YouTube