📢 Qashqadaryolik yoshlar bilan ochiq muloqot!

Qarshi davlat texnika universitetida “Payshanba — yoshlar kuni” doirasida Innovatsion rivojlanish agentligi rahbariyati hamda faol yoshlar ishtirokida uchrashuv tashkil etildi. Tadbirda Agentlik mas’ul vakillari tomonidan ishtirokchilarga startap ekotizimini rivojlantirishga oid Prezident qarorlari hamda ilmiy ishlanmalarni tijoratlashtirish uchun “Spin-off” kompaniyalarini tashkil etish tartibi tushuntirildi.

Muloqot davomida startaplarni qo‘llab-quvvatlashda faqat davlat grantlari bilan cheklanib qolmasdan, mamlakatdagi 4 ta xususiy venchur fondi imkoniyatlaridan keng foydalanish masalalariga to‘xtalib o‘tildi. Shuningdek, uchrashuv doirasida universitet bilan hamkorlikda qo‘shma biznes-inkubator tashkil etish bo‘yicha kelishuvga erishildi. Tadbir yakunida yoshlar o‘z loyihalari bo‘yicha mutaxassislardan texnik maslahatlar va yo‘nalishlar oldilar.

🔗 Bizni kuzatib boring: Telegram | Instagram| YouTube