2025-yil O‘zbekiston startap ekotizimi uchun investitsiyalar bo‘yicha rekord yil bo‘ldi. Hozirda bozorda 15 ta fond faoliyat yuritmoqda va ular asosan ajratadigan sarmoya miqdori bilan farqlanadi.
1. Erta bosqich (Early Stage):
Eng kichik startaplarga asosan Yoshlar Ventures, Sarmo Ventures va CS Angels sarmoya kiritadi. 2025-yilda ularning o‘rtacha cheki $45 ming atrofida bo‘ldi.
2. Bank fondlari:
SQB Ventures, Aloqa Ventures va United Ventures kabi fondlar o‘rtacha $150–200 ming miqdorida sarmoya ajratadi.
✅ Aloqa Ventures: Bozorning eng faol ishtirokchisi (44 ta bitim, $5,2 mln).
✅ United Ventures: Ko‘pincha koinvestor sifatida qatnashadi (4 ta bitim, $725 ming).
✅ SQB Ventures: 2025-yilda tashkil etilganiga qaramay, 4 ta loyihaga $800 ming yo‘naltirdi.
3. Yirik sarmoyadorlar:
✅ UCV (Uzcard): Kam, lekin yirik cheklar bilan ishlaydi (o‘rtacha $336 ming).
✅ UzVC: Fondlar fondi. Ham startaplarga bevosita, ham boshqa fondlar orqali sarmoya kiritadi.
✅ IT Park Ventures: Hajm bo‘yicha yetakchi. 2025-yilda $7,1 mln investitsiya kiritgan (o‘rtacha chek $187 ming, ayrim hollarda $1 mln gacha).
O‘zbekiston venchur bozori tarqoq bitimlardan yaxlit tizimga o‘tdi. Endi startaplar bir joyda to‘xtab qolmasdan, birinchi $10 mingdan boshlab, $150 ming va undan yuqori bosqichli raundlargacha bosqichma-bosqich ko‘tarilishi mumkin.
🔗 Bizni kuzatib boring: Telegram | Instagram| YouTube