❌ Mif: Global bozorga chiqish uchun startap avval mahalliy bozorda katta bo‘lishi kerak.
✅ Aslida: Startap xalqaro bozorga chiqish uchun o‘z mamlakatida bozor yetakchisiga aylanishini kutishi shart emas.
Buni Bolt va TASS Vision misolida ko‘rib chiqamiz.
🟩 Bolt — mobil ilova orqali yo‘lovchilarni haydovchilar bilan bog‘laydigan ride-hailing platformasi sifatida 2013-yilda Estoniyada ish boshlagan.
Keyinchalik kompaniya skuter va elektrobike ijarasi, avtomobil ijarasi hamda oziq-ovqat yetkazib berish kabi xizmatlarni ham yo‘lga qo‘ydi.
Mahalliy bozor hajmi cheklangan bo‘lsa-da, jamoa mahsulotni faqat Estoniya bilan chegaralamadi va boshqa mamlakatlarga chiqishni boshladi.
🔼 Bugungi kunda Bolt 50+ mamlakat va 850+ shaharda faoliyat yuritadi.
🟩 TASS Vision o‘z faoliyatini Toshkentda boshladi va AI asosidagi computer vision yechimlarini dastlab O‘zbekiston bozorida joriy qildi. Keyinchalik jamoa xalqaro ekspansiyani boshladi.
2024-yilda TASS Vision 🥇 President Tech Award’da “Sun’iy intellektga asoslangan texnologiyalar” yo‘nalishida 1-o‘rinni egallab, $100 000 mukofotga sazovor bo‘ldi.
Bugungi kunda startap yechimlari 10 ta mamlakatdagi 3 000+ do‘konda ishlaydi.
TASS Vision tajribasi ham global ekspansiya mahalliy bozorda maksimal miqyosga yetgandan keyingina boshlanishi shart emasligini ko‘rsatadi.
🌐 Global bozor — final bosqich emas, startap strategiyasining bir qismi bo‘lishi mumkin.
🚀 Agar siz yechayotgan muammo boshqa bozorlarda ham mavjud bo‘lsa, globalga chiqish uchun “yetarlicha katta” bo‘lishni kutish shart emas.
@startupbaseuz
LinkedIn | Facebook | Instagram | Website