Uzbekistan Founder Portrait 2026 tadqiqoti natijalari taqdim etildi

Tadbirlarga 100 dan ortiq startap asoschilari, investorlar va ekotizim vakillari yigʻildi. Bosh mavzu — Oʻzbekistondagi startap yaratuvchilari va ular toʻqnash kelayotgan muammolar boʻldi.

Stanbase asoschisi Umed Rahimov tadqiqot maqsadi haqida gapirgan boʻlsa, Adrian Henni tadqiqotlarning ekotizim uchun muhimligini taʼkidladi. Bosh tadqiqotchi Maftuna Berkimbayeva esa UFP 2026 natijalari bilan boʻlishdi.

229 ta soʻrovnoma va 25 ta chuqurlashtirilgan intervyuga asoslangan tadqiqotning asosiy xulosalari:
• 47% asoschilar 24 yoshdan kichik;
• 56% startapini hamasoschisiz barpo etmoqda;
• 63% moliyalashtirish imkoniyatlari cheklanganini bosh toʻsiq deb biladi.

Maxsus mehmon Devid Yang AI avtomatlashtirish va Silikon vodiysining soʻnggi trendlari haqida soʻz yuritdi. Tadbir Abdulazal Toshxoʻjayev (UzVC), Davron Parmonov (AloqaVentures), Fahriddin Yusupov (Delever) va Kamila Uzakova (Osnova) ishtirokida, Farrux Maxsumov moderatorligida oʻtgan panel munozarasi bilan yakunlandi.

👉 Batafsil Pivot.uz'da o'qing

@pivotuzbekistan