📍Qadimiy va afsonaviy Xiva shahrida “Vohidov o‘qishlari – 2026” XXX respublika ilmiy-amaliy konferensiyasi bo‘lib o‘tmoqda.
✅ Akademik V. Vohidov nomidagi Respublika ixtisoslashtirilgan xirurgiya ilmiy-amaliy tibbiyot markazi tomonidan tashkil etilgan anjumanda Sog‘liqni saqlash vazirligi mas’ullari, shuningdek, mamlakatimiz va qator xorijiy davlatlarning yetakchi jarrohlari, taniqli olimlar, ekspertlar hamda soha mutaxassislari qatnashyapti.
📌 Tadbirda kasalliklarni erta aniqlash, bemorlarni ixtisoslashtirilgan markazlarga o‘z vaqtida yo‘naltirish, yuqori texnologiyali tibbiy yordam qamrovini kengaytirish va operatsiyadan keyingi reabilitatsiya samaradorligini oshirish masalalari muhokama qilinmoqda.
🔎 Konferensiya dasturidan robotlashtirilgan va kam invaziv jarrohlik, kardioxirurgiya, tomir jarrohligi, transplantologiya, anesteziologiya va intensiv terapiyaning zamonaviy yutuqlari muhokamasi o‘rin olgan.
🤖 Shuningdek, jarrohlik amaliyotida sun’iy intellekt, raqamli texnologiyalar va teletibbiyot imkoniyatlaridan foydalanish masalalariga alohida e’tibor qaratilyapti.
📊 Anjumanda mamlakatimiz mutaxassislari o‘pka va ko‘krak qafasi a’zolarida robot yordamida bajarilgan dastlabki 50 ta operatsiyaning klinik tajribasini taqdim etadi.
🔬 Rossiya, Qozog‘iston va boshqa davlatlardan tashrif buyurgan ekspertlar ham zamonaviy jarrohlik usullari bo‘yicha o‘z tajribalari bilan o‘rtoqlashadi.
‼️Konferensiya doirasida jigar va buyrak transplantatsiyasi, yurak-tomir kasalliklarini jarrohlik yo‘li bilan davolash, murakkab operatsiyalardan keyingi asoratlarning oldini olishga oid ilmiy izlanishlar muhokama etiladi.
🚑 SSV Matbuot xizmati.
🌐 Web-site 🔵Telegram 👥 Fb 📷 Instagram