ስፑትኒክ ኢትዮጵያ

#Viral | ጠቅላይ ሚኒስትር ዐቢይ አሕመድ የጠረጴዛ ቴኒስ ጨዋታ ችሎታቸውን አሳዩ

የኢትዮጵያው መሪ ከዚህ ቀደምም በተለያዩ ስፖርታዊ ጨዋታዎች ክህሎታቸውን አሳይተዋል፡፡

📹 ከማኅበራዊ ሚዲያ የተገኘ ተንቀሳቃሽ ምስል

የጠቅላይ ሚኒስትሩን የጠረጴዛ ቴኒስ ችሎታ እንዴት ተመለከቱት? አስተያየትዎን ያጋሩን 👇

✅ ስፑትኒክ ኢትዮጵያ | 📲 መተግበሪያ | 👉 X

🇬🇳 ጊኒ የአንድ ጊዜ አገልግሎት የሚሰጡ ፕላስቲኮች እገዳን ሙሉ በሙሉ ወደ መተግበር ገባች

የጊኒ መንግሥት እ.ኤ.አ. በመስከረም 2024 ያጸደቀው የአንድ ጊዜ አገልግሎት የሚሰጡ ፕላስቲኮች እገዳ የተሰጠው የሁለት ዓመት የሽግግር ጊዜ መስከረም 20 ቀን በመጠናቀቁ እገዳው ሙሉ በሙሉ ተግባራዊ መሆን ጀምሯል።

🚫 የአንድ ጊዜ አገልግሎት የሚሰጡ የፕላስቲክ ፌስታሎች፣ የውሃ መጠቅለያዎች ፣ የምግብ ማሸጊያዎችና የሚጣሉ የፕላስቲክ እቃዎች ማምረት፣ ማስገባት፣ መሸጥና መጠቀም በሙሉ የተከለከለ ሲሆን በልዩነት የውሃ በረዶ ጠርሙሶች ግን ተፈቅደዋል።

በተጨማሪም ለሕክምና፣ ለግብርና፣ ለወታደራዊ አገልግሎትና ለቆሻሻ መሰብሰቢያ የሚሆኑ ፕላስቲኮች ከእገዳው ነፃ መሆናቸው ተነግሯል።

የጉምሩክ፣ የንግድና የአካባቢ ጥበቃ አካላት ጥብቅ ቁጥጥር የሚያደርጉ ሲሆን፣ ሕግ ተላላፊዎች ላይ የንብረት መወረስና የገንዘብ ቅጣት ይጣላል።

🌍 ይህ እርምጃ ኢትዮጵያን፣ ኬንያን እና ናይጄሪያን ጨምሮ በበርካታ የአፍሪካ ሀገራት የፕላስቲክ ብክለትን ለመቀነስ እየተወሰዱ ያሉ ጥረቶች አካል ነው።

✅ ስፑትኒክ ኢትዮጵያ | 📲 መተግበሪያ | 👉 X

በኢትዮጵያ ታግዶ የቆየው የስፖርት ውርርድ ሊመለስ ነው፤ ሕጉ ግን ይጠነክራል
 
የኢትዮጵያ ሎተሪ አገልግሎት የስፖርት ውርርድ (ቤቲንግ) እና ዲጂታል ሎተሪ በጥብቅ አዲስ አሠራር ሊያስጀምር መሆኑ ተዘግቧል፡፡   
 
በታኅሣሥ 2018 የ22 ድርጅቶች ፈቃድ የታገደ ሲሆን በሀገር አቀፍ ደረጃ የሁሉም የስፖርት ውርርድ ድርጅቶች ፈቃድ መሰረዙ ይታወሳል፡፡

📹 የውርርድ አገልግሎቶቹን ድጋሚ እንዲጀመሩ ያስገደዱ ምክንያቶችን ለማወቅ የስፑትኒክ አፍሪካን ቪዲዮ ይመለከቱ።

እርስዎ ውሳኔውን እንዴት አገኙት? ሐሳብዎን በአስተያየት መስጫው ያካፍሉን 👇

✅ ስፑትኒክ ኢትዮጵያ | 📲 መተግበሪያ | 👉 X

#Viral | ቀን ወደ ምሽት ተቀየረ፦ ግዙፍ የአሸዋ ማዕበል ደቡባዊ አልጄሪያን ዋጠ

በኃይለኛ ነፋስ የተነሳው ግዙፍ የአሸዋ እና የአቧራ ማዕበል የዕይታ ክልልን በከፍተኛ ሁኔታ በመቀነሱ፣ የአካባቢውን ገበያ በድንገተኛ ጨለማ ውስጥ ከቶታል፡፡

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

📑 ዛካሮቫ የዓለምን ‘እውነት’ የሚቆጣጠረውን እና በጆርጅ ሶሮስ የሚደገፈውን የምዕራባውያንን የሚዲያ ማጣሪያን ኮነኑ

በአሜሪካ የሚገኘው የፖይንተር ኢንስቲትዩት አካል የሆነው ዓለም አቀፉ የሀቅ-ማረጋገጫ መረብ፣ በቢሊዮን የሚቆጠሩ የማኅበራዊ ሚዲያ ተጠቃሚዎች ምን ማየት እንዳለባቸው የመወሰን እና ራሱን እንደ ተሾመ ዳኛ አድርጎ የመሥራት ዓላማ እንዳለው የሩሲያ የውጭ ጉዳይ ሚኒስቴር ቃል አቀባይ ማሪያ ዛካሮቫ ገልጸዋል።

ይህ መረብ ከአሜሪካ ውጭ ጉዳይ ሚኒስቴር፣ ከብሔራዊ የዲሞክራሲ ፈንድ ፣ ከኦፕን ሶሳይቲ ፋውንዴሽንስ፣ ከጉግል እና ከሜታ* የገንዘብ ድጋፍ እንደሚደረግለት፣ የእስያ-ፓሲፊክ ዜና ኤጀንሲዎች ድርጅት 65ኛ ዓመት የምሥረታ በዓልን አስመልክቶ በተዘጋጀው የመገናኛ ብዙሃን መድረክ ላይ ተናግረዋል።

🔊 "እነዚህ ተቋማት በሩሲያ ውስጥ እንደ ጽንፈኞች ይታወቃሉ፤ ምክንያቱም ለተከታታይ ዓመታት በመድረኮቻቸው ላይ ሩሲያውያንን ለመግደል የሚቀሰቅሱ ጥሪዎች ሲሰራጩ ምንም ዓይነት ምላሽ ባለመስጣታቸው ነው" ሲሉ አብራርተዋል።

በተጨማሪም እነዚህ መዋቅሮች እውነተኛ እቅዳቸውን ደጋግመው አሳይተዋል፤ "በሌሎች ሀገራት የውስጥ ጉዳይ ጣልቃ መግባት፣ የመንግሥት ለውጥ ማካሄድ እና የጽንፈኝነት እሳቤዎችን ስርጭት ማበረታታት" ዋነኛ ተግባራቸው ነው።

*ሜታ በጽንፈኛ ድርጅትነት በሩሲያ ውስጥ ታግዷል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

ዚምባብዌ ለመጀመሪያ ጊዜ ለሀገር አቀፍ የንግድ የድሮን ማጓጓዣ አገልግሎት ፈቃድ ሰጠች

የዚምባብዌ ሲቪል አቪዬሽን ባለሥልጣን "ድሮን ሶሉሽንስ ዚምባብዌ" ለተሰኘው ኩባንያ በሀገሪቱ የመጀመሪያውን ለሀገር አቀፍ የንግድ የድሮን ማጓጓዣ አገልግሎት ፈቃድ መስጠቱን ኩባንያው በማኅበራዊ ሚዲያ ገጹ አስታውቋል።

👉 ድሮኖቹ ምን ያደርሳሉ?
ኩባንያው ይፋ እንዳደረገው፣ ልዩ ልዩ የመሸከም አቅም ያላቸው ድሮኖቹ የመድኃኒት አቅርቦቶችን፣ ክትባቶችን እና ፈጣን መልእክቶችን በማጓጓዝ በሀገሪቱ የነበረውን የመጨረሻው ማይል የሎጂስቲክስ ክፍተት ይደፍናሉ።

✅ በቀርቡ እመርታ ላይ የተገነባ
ይህ ታሪካዊ ስኬት የተመዘገበው በቅርቡ በተሳካ ሁኔታ ከተካሄደው እና የተለመደውን የመሬት ላይ የጉዞ ጊዜ በግማሽ ከቀነሰው የ100 ኪሎ ሜትር በራሱ የሚንቀሳቀስ የድሮን በረራ ሙከራ በኋላ መሆኑን ኩባንያው አያይዞ አውስተዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

#Viral | በሰፈር ተመልካች የታጀበ ሳቢ የቦክስ ግጥሚያ

🥊 ከማኅበራዊ ሚዲያ የተገኘ ተንቀሳቃሽ ምስል እንደሚያሳየው፤ ወጣቶቹ የቦክስ ተወዳዳሪዎች በሰፈራቸው የተዘጋጀ የአደባባይ የቦክስ ፍልሚያ አድርገዋል፡፡

እርስዎ ፍልሚያውን እንዴት አገኙት? መሰል ኢ-መደበኛ ጨዋታዎች ላይ ያለዎትን ምልከታ ያጋሩን 👇

✅ ስፑትኒክ ኢትዮጵያ | 📲 መተግበሪያ | 👉 X

📊 የቡና ወጪ ንግድ ታሪካዊ ስኬት፦ ከ17 ዓመታት ገቢ ጋር የሚቀራረብ የ1 ዓመት ከፍተኛ ውጤት

💰 በ2018 የበጀት ዓመት ብቻ ከቡና ወጪ ንግድ 3.1 በላይ ቢሊዮን ዶላር የተገኘ ሲሆን በአንድ ዓመት የተገኘው ይህ ገቢ፣ ባለፉት 17 ዓመታት በአጠቃላይ ከተገኘው 3.3 ቢሊዮን ዶላር ጋር የሚቀራረብ መሆኑን የጠቅላይ ሚኒስትር ጽሕፈት ቤት አስታውቋል፡፡

ዋና ዋና ነጥቦች፦

◻️ የአረንጓዴ አሻራ እና የቡና ተክሎች፦ በየዓመቱ በቢሊዮን ከሚተከሉ ችግኞች መካከል ሰፊውን ቁጥር የሚይዙት የቡና ችግኞች ናቸው።

◻️ የአየር ንብረት እና ምርታማነት፦ የቡና ችግኞችን መተከል ደኖችን መልሶ ለማቋቋም፣ ሥነ-ምኅዳርን ለመጠበቅ እና ለቡና ምርታማነት አስፈላጊ የሆነውን የአየር ንብረት ለመፍጠር ይረዳል።

◻️ የሰው ሠራሽ አስተውሎት ሚና፦ ኢትዮጵያ የቡና በሽታዎችን ለመለየትና ለማከም የሚያስችሉ አዳዲስ የሰው ሠራሽ አስተውሎት ቴክኖሎጂዎችን እና ምርምሮችን በማሳደግ ላይ ትገኛለች።

✅ ስፑትኒክ ኢትዮጵያ | 📲 መተግበሪያ | 👉 X

🇨🇳🇺🇸 የቻይናው ፕሬዝዳንት ሺ ጂንፒንግ በቻይና-አሜሪካ ግንኙነት እና በዓለም አቀፍ መረጋጋታ ላይ ለመምከር ወደ አሜሪካ ያመራሉ

የቻይናው ፕሬዝዳንት ሺ ጂንፒንግ በአሜሪካው ፕሬዝዳንት ዶናልድ ትራምፕ በተደረገላቸው ጥሪ መሠረት ከመስከረም 13 እስከ 15 ድረስ በአሜሪካ ይፋዊ ጉብኝት ያደርጋሉ።

የቻይና የውጭ ጉዳይ ሚኒስቴር ቃል አቀባይ እንዳስታወቁት፣ ሁለቱ መሪዎች በሚከተሉት ጉዳዮች ላይ ይመክራሉ ተብሎ ይጠበቃል፦

◼️ በሁለትዮሽ ግንኙነቶች እና በቀጣይ አቅጣጫቸው ላይ ተፅዕኖ በሚፈጥሩ ቁልፍ ጉዳዮች፤
◼️ በዓለም አቀፍ መረጋጋት እና በኢኮኖሚ ልማት ላይ ተፅዕኖ በሚያሳድሩ ዋና ዋና ዓለም አቀፋዊ ጉዳዮች

የሀገር መሪዎቹ የሚያደርጉት ዲፕሎማሲ በቻይና እና አሜሪካ ግንኙነት ውስጥ የማይተካ ስትራቴጂካዊ ሚና እንደሚጫወት የጠቆሙት ቃል አቀባዩ፣ በስድስት ወራት ውስጥ በሺ እና በትራምፕ መካከል የሚደረጉት የርስ በርስ ጉብኝቶች ትልቅ ምዕራፍ መሆናቸውን ገልጸዋል።

አክለውም ቻይና ከአሜሪካ ጋር በመተባበር ግንኙነቱን ለማጠናከር፣ ውይይትና ትብብርን ለማጎልበት፣ ልዩነቶችን በአግባቡ ለመያዝ እንዲሁም በዓለም አቀፍ ደረጃ ሰላምን፣ መረጋጋታንና ብልጸግናን ለማስፋፋት ዝግጁ መሆኗን ገልጸዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

አሁንም ምዕራባውያን ቴክኖሎጂያቸውን ለማስቀጠል ወደ አፍሪካ መጥተው ማዕድናትን እና የተፈጥሮ ሀብቶችን መውሰድ ይፈለጋሉ - ባለሙያ

ለዓለም አቀፍ የሙቀት መጨመር ዋንኛው ምክንያት የምዕራባውያን የአኗኗር ዘይቤ እና የተፈጥሮ ሀባት ብዝበዛ ብሎም አሟጦ መጠቀም ውጤት መሆኑን የጤና እና ደህነንት ንድፍ አውጪ እንዲሁም የሥርዓተ ትምህርት አዘጋጁ አሎነዞ ዞቺ ለስፑትኒክ አፍሪካ ተናግረዋል።

💬 አሎንዞ ዞቺ፣ "'ዓለም አቀፍ የሙቀት መጨመር እየተከሰተ ነው' ብለን ዝም ብለን ማውራት አንችልም። እንዴት ነው እየተከሰተ ያለው? የዓለም አቀፍ የሙቀት መጨመር መንስኤዎች ምንድን ናቸው? አብዛኛውን ብክለት የሚያደርሰው ማን ነው? ​ስለዚህ ጉዳዩ ሰፊ እና ትልቅ ነው" ሲሉ አጽንኦት ሰጥተዋል፡፡

📹 ባለሙያው ትኩረቱን በታሪክ፣ በባሕል፣ በማካካሻ ፍትሕ፣ በአየር ንብረት ለውጥ መፍትሄዎች እና የእውቀት ሽግግር ላይ አድርጎ በአዲስ አበባ ከተካሄደው ዓለም አቀፍ የውይይት መድረክ ጎን ለጎን ለስፑትኒክ አፍሪካ ያነሷቸውን ተጨማሪ ሐሳቦችን ለማግኘት ቪዲዮውን ይመለከቱ፡፡

✅ ስፑትኒክ ኢትዮጵያ | 📲 መተግበሪያ | 👉 X

🔥🇮🇷 በኢራን ላይ የሚፈጸም ማንኛውም አዲስ ጥቃት ጦርነቱን ያሰፋዋል - የኢራን አብዮታዊ ዘብ

ኢራን አስቀድማ ለረጅም ጊዜ ለሚቆይ ጦርነት የተዘጋጀች ሲሆን፣ አሁን ደግሞ ለእንደዚህ ዓይነቱ ሁኔታ የበለጠ ዝግጁ ሆናለች ሲሉ የኢራን አብዮታዊ ዘብ ቃል አቀባይ ጄኔራል ሆሴን ሞሄቢ ተናግረዋል።

🗣 "አዲስ ጥቃት የሚፈጸም ከሆነ፣ በመከላከያችን እና በመልስ ጥቃታችን ላይ በእርግጠኝነት ከፍተኛ ለውጦች ይኖራሉ… የጦርነቱንም መልክዓ-ምድር በእርግጠኝነት እንለውጣለን" ሲሉ አብራርተዋል።

🔊 በተጨማሪም ኢራን ዓለምን የሚያስገርሙ አዳዲስ የጦር መሣሪያዎችን ይፋ የምታደርግና ጥቅም ላይ የምታውል ሲሆን፤ አዳዲስ ኢላማዎችንም መምታት እንደምትጀምር አክለው ገልጸዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🇪🇹🇸🇸 የደቡብ ሱዳን ከፍተኛ የኢሚግሬሽን ልዑክ የኢትዮጵያ ፌደራል ፖሊስ ስማርት ፖሊስ ጣቢያን ጎበኘ

በደቡብ ሱዳን የሲቪል ምዝገባ፣ ዜግነት፣ ፓስፖርትና ኢሚግሬሽን ዋና ዳይሬክተር ሌተናንት ጀነራል አቾል ሲየር ሬሃን የተመራ ከፍተኛ የልዑካን ቡድን የኢትዮጵያ ፌደራል ፖሊስን ዘመናዊ የስማርት ፖሊስ ጣቢያ አሠራርና የቴክኖሎጂ ሽግግር ጎብኝቷል።

📲 ልዑኩ በዲጂታል ቴክኖሎጂና በሰው ሠራሽ አስተውሎት የታገዘውንና ያለሰው ንክኪ ለሕብረተሰቡ ፈጣን አገልግሎት የሚሰጠውን የስማርት ፖሊስ ጣቢያ አሠራር ተመልክቷል።

የደቡብ ሱዳን ልዑካን በዲጂታል ሥርዓት የሚከናወነውን የዜጎች ጥቆማና አቤቱታ መቀበያ አሠራርና የወንጀል መከላከል ሥራዎችን በቦታው ተገኝተው ገምግመዋል።

የልዑካን ቡድኑ አባላት የኢትዮጵያ ፌደራል ፖሊስ በቴክኖሎጂ ዘርፍ ያስመዘገበው ስኬት ለቀጣናው ሀገራት ትልቅ አርአያና የልምድ ልውውጥ መድረክ እንደሚሆን ገልጸዋል።

✅ ስፑትኒክ ኢትዮጵያ | 📲 መተግበሪያ | 👉 X

🗣 ሩሲያ ማንኛውንም የአውሮፓ ሀገር አታስፈራራም - ክሬምሊን

🔊 ሩሲያ ከማንኛውም የአውሮፓ ሀገር ጋር ለከባድ አለመግባባት ምክንያት ሊሆን የሚችል ምንም ዓይነት ግጭት የላትም ሲሉ ዲሚትሪ ፔስኮቭ ገልጸዋል።

ሌሎች የተሰጡ መግለጫዎች፦

➖ በሩሲያ ላይ ከ30,000 በላይ ማዕቀቦች እና ገደቦች የተጣሉ ቢሆንም፣ ሀገሪቱ ግን ሁኔታዎችን በመልመድ የጉዳቱን መጠን ለመቀነስ የሚያስችሉ መንገዶችን አግኝታለች፡፡

➖ ትራምፕ ፀረ-ሩሲያ የማዕቀፍ ረቂቅ ሕጉን መፈረማቸው የሩሲያ እና አሜሪካን ግንኙነት ለማደስ ወይም የዩክሬንን ግጭት ለመፍታት የሚረዳ አይደለም። ሩሲያ ከአዲሱ የአሜሪካ ማዕቀፍ ሕግ ጋር በተያያዘ ሙሉ በሙሉ ተቃውሟቸውን ከገለጹት የንግድ አጋሮቿ ጋር ውይይት በማድረግ ላይ ትገኛለች፡፡

➖ የጀርመን የኢኮኖሚ ተወዳዳሪነት እየወረደ የመጣው በዋናነት የሩሲያን ጋዝ አንቀበልም በማለቷ ምክንያት ነው፡፡

➖ ኤኤፍዲ ያሸነፈበት የሜክለንበርግ-ቮርፖመርን የምርጫ ውጤት የጀርመን የውስጥ ጉዳይ ነው። ያ የጀርመን ህዝብ ክፍል ኢኮኖሚውን ለማሻሻል ከአሁኖቹ ባለስልጣናት ውጭ አማራጮችን በመፈለግ ላይ ይገኛል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

የሩሲያ ደህንነት ኃይሎች በዩክሬን ትዕዛዝ በዶኔትስክ ነዋሪ አማካኝነት በምርጫ ጣቢያ ላይ ሊፈጸም የታሰበውን የቦምብ ጥቃት አከሸፉ

🔊 የዩክሬን ቅጥረኛ ሰላይ እንደሆነ የተገለጸ አንድ የዶኔትስክ ነዋሪ በሩሲያ የፓርላማ ምርጫ ወቅት በምርጫ ጣቢያ ላይ የቦምብ ጥቃት ለማድረስ አቅዶ እንደነበር የሩሲያ ፌዴራል ደህንነት አገልግሎት አስታውቋል።

💣 ግለሰቡ 20 ኪሎ ግራም የሚመዝን ፈንጂ ከተደበቀበት ቦታ ያወጣ ሲሆን፤ በተጨማሪም 2 ኪሎ ግራም የሚመዝን ቦምብ፣ ኤሌክትሮኒክ ማፈንጃዎች እና የሩቅ ተቆጣጣሪ ሰርኪዩት ቦርድ በድሮን አማካኝነት ተልኮለት ተቀብሏል።

ነገር ግን ዕቅዱን ሳይፈጽም በሩሲያ ደህንነት ኃይሎች በቁጥጥር ስር ውሏል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🇪🇹 ኤልኒኖ በኢትዮጵያ፦ ኢትዮጵያ የኤልኒኖን አደጋ ለመቋቋም ተዘጋጅታለች

ኤልኒኖ በኢትዮጵያ ሊያደርስ የሚችለውን ተፅዕኖ ለመቋቋም ሰፊ ዝግጅት መደረጉን የኢትዮጵያ አደጋ ስጋት ሥራ አመራር ኮሚሽን ምክትል ኮሚሽነር አይድሩስ ሐሰን ለሀገር ውስጥ ሚዲያ ተናግረዋል።

በሀገር አቀፍ ደረጃ የኤልኒኖ ክስተት የተጋላጭነት መጠን የመለየት፣ የመቀነስ እና የማቋቋም ዝግጅት መደረጉ ተገልጿል።

📹 ተጨማሪ መረጃዎችን ለማግኘት የስፑትኒክ አፍሪካን ቪዲዮ ይመልከቱ፡፡

✅ ስፑትኒክ ኢትዮጵያ | 📲 መተግበሪያ | 👉 X

🇪🇹 ኢትዮጵያ የስማርት ሕንፃ ቴክኖሎጂን ለማስፋፋት የሚያስችላትን የሥልጠና ማዕከል በይፋ አስመረቀች

ኢትዮጵያ በኮንስትራክሽን እና በዲጂታል ዘርፍ ዘመናዊ አሠራርን ለማስፋፋትና የዘመናዊ ሕንፃ ቴክኖሎጂ ተግባራዊ ልምድን ለማሳደግ የሚያስችላትን አዲስ የሥልጠና ማዕከል በአዲስ አበባ ሥራ አስጀምራለች።

🤝 የሥልጠና ማዕከሉ በሉባን ወርክሾፕ ማዕቀፍ በቻይና ዩኒቨርሲቲ፣ በኢትዮጵያ የቴክኒክና ሙያ ሥልጠና ኢንስቲትዩት እና በቻይና ኩባንያዎች በጋራ የተቋቋመ ነው።

ዋና ዋና አገልግሎቶች፦

🟠 የንድፈ-ሐሳብ ትምህርትን ከተግባራዊ የኢንጂነሪንግ ልምድ ጋር በቀጥታ ማያያዝ።

🟠 የስማርት ሕንፃዎችን የመረጃ መሰብሰቢያ ሴንሰሮች አሠራርና ቁጥጥር ማስተማር።

🟠 የሜካኒካል፣ ኤሌክትሮኒክስ እና የኮምፒውተር ሥርዓቶች ውህደት የሆኑ ቴክኖሎጂዎችን መተግበር።

🟠 የሕንፃዎችን አውቶሜሽን፣ ደህንነትና የተቀናጀ ቁጥጥር ሥርዓት መዘርጋትና ማስተዳደር።

🟠 በሕንፃዎች ውስጥ የኤሌክትሪክ እና የኃይል አጠቃቀምን የሚቀንሱ ዘመናዊ ቴክኖሎጂዎችን መዘርጋት።

👉 ማዕከሉ የ2026 የቻይና-አፍሪካ የሕዝብ ለሕዝብ ግንኙነት ዓመት ግቦችን ለማሳካትና በሙያ ትምህርት ዘርፍ ያለውን ትብብር ለማጠናከር ትልቅ ምዕራፍ መሆኑ ተዘግቧ።

✅ ስፑትኒክ ኢትዮጵያ | 📲 መተግበሪያ | 👉 X

የሩሲያ የድሮን ሥርዓቶች በአፍሪካ ከፍተኛ የወጪ ንግድ ዕድል አላቸው - ባለሙያ

🇷🇺✈️ በነባራዊ የውጊያ ሜዳዎች ላይ ውጤታማነታቸው የተረጋገጠው ሩሲያ ሠራሽ ድሮኖች በአፍሪካ ጥሩ የወጪ ንግድ ዕድል እንዳላቸው፣ መሪ የድሮን ባለሙያ የሆኑት ዴኒስ ፌዱቲኖቭ በፕሪቶሪያ ከተካሄደው የአፍሪካ ኤሮስፔስ እና መከላከያ ኤግዚቢሽን በኋላ ለሩሲያ መገናኛ ብዙሃን ተናግረዋል።

ከባለሙያው የተገኙ ዋና ዋና ነጥቦች፦

🟠 የደቡብ አፍሪካ ሀገር በቀል ኩባንያዎች ሰፊ የድሮን አማራጮችን የሚያቀርቡ ቢሆንም፣ የሩሲያ ድሮኖች በሶሪያ፣ በዩክሬን እና በአፍሪካ ሀገራት ካካበቱት ከፍተኛ የውጊያ ልምድ አንጻር በደቡብ አፍሪካ ተፈላጊ የመሆን ከፍተኛ ዕድል አላቸው፤ ይህ የውጊያ ልምድ በአካባቢው ተፎካካሪዎች ዘንድ አብዛኛውን ጊዜ የማይገኝ ነው፤

🟠 ኤግዚቢሽኑ ለሩሲያ ሥርዓቶች ወደ ደቡብ አፍሪካ እና አጎራባች የክልሉ ገበያዎች ለመግባት እንደ መነሻ የሚያገለግል ሲሆን፣ የጋራ ተጠቃሚነትን መሰረት ያደረጉ ስምምነቶች ከተደረሱ የጋራ የጥገና ማዕከላት ወይም የማምረቻ ተቋማት ጭምር ሊደራጁ እንደሚችሉ ይጠቁማል፡፡

🟠 ድሮኖች በዘመናዊ ውጊያ ውስጥ ቁልፍ የጦር መሣሪያ ሆነዋል፤ የሰው ኃይል ጉዳትን በመቀነስ ረገድ ከፍተኛ የውጤታማነት እመርታ ያስገኙ ሲሆን፣ በስፋት ጥቅም ላይ መዋላቸው ደግሞ የሰው አልባ ሥርዓቶችን እድገት ያፋጥነዋል፡፡

🟠 ዘመናዊ የሩሲያ ድሮኖች እና ተንሳፋፊ ፈንጂዎች በተለያዩ የአየር ንብረት ሁኔታዎች ውስጥ የ24 ሰዓት የቅኝት እና የክትትል ስራዎችን ለማከናወን የሚያስችሉ በመሆናቸው በአፍሪካ ጨምሮ በተለያዩ የዓለም ክፍሎች ላሉ ተጠቃሚዎች ተስማሚ ያደርጋቸዋል።

በኤግዚቢሽኑ ላይ ሩሲያ ላንሴት-ኢ፣ ስካት-350ኤም፣ ኩብ-2ኤ እና ሌሎችንም ጨምሮ መሪ የድሮን ሥርዓቶችን እና ተንሳፋፊ ፈንጂዎችን አቅርባለች።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

#Viral | የቻይናው ሎንግ ማርች-8ኤ ሮኬት በዌንቻንግ የማስወንጨፊያ ጣቢያ በአስደናቂ የዝውውር ሂደት ቀጥ ብሎ እንዲቆም ተደረገ

🚀🇨🇳 እ.ኤ.አ. በ 2025 የተዋወቀው እና የሮኬቱ የተሻሻለ ስሪት የሆነው ይህ ሞዴል፣ በፀሐይ-አቅጣጫ ምህዋር ላይ 7 ቶን የመሸከም አቅም አለው። ይህ ሮኬት የተሰራው የቻይናን የሳተላይት ኢንተርኔት ህብረ ከዋክብትን ለመደገፍ እና ከፍተኛ ብዛት ያላቸውን ሳተላይቶች በጋራ ለማስወንጨፍ ታስቦ ነው። ይህ ኩነት፣ ቻይና እ.ኤ.አ. በ 2026 ለማከናወን ካቀደቻቸው ወደ 15 የሚጠጉ የሎንግ ማርች-8 ተከታታይ የማስወንጨፍ መርሃ ግብር አንዱ አካል ነው።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

ኢትዮጵያ እና ዛምቢያ ዲፕሎማሲያዊና የንግድ ግንኙነታቸውን ይበልጥ ለማጠናከር ተስማሙ

🇿🇲🤝🇪🇹 በዛምቢያ የልዩ ጉዳዮች ቋሚ ፀሐፊ ኬኔዲ ካሉንጋ ሀገራቸው ከኢትዮጵያ ጋር ያላትን የንግድ እና የዲፕሎማሲ ግንኙነት በግብርና፣ በማኑፋክቸሪንግ፣ በማዕድን፣ በቱሪዝም፣ በትራንስፖርት እና በትምህርት ዘርፎች ይበልጥ ለማጠናከር ዝግጁ መሆኗን ገልፀዋል።

ዋና ዋና ነጥቦች፦

🔶 በሉሳካ የኢትዮጵያ የክብር ቆንፅላ መከፈቱ በሁለቱ ሀገራት መካከል የኢንቨስትመንት ሽርክናን፣ የንግድ ልዑካን እንቅስቃሴን እና ጠንካራ የኢኮኖሚ ትስስርን ያፋጥናል።

🔶 የኢትዮጵያ አየር መንገድ ከዛምቢያ አየር መንገድ ጋር ያለው አጋርነት በሁለቱ ሀገራት መካከል እየተስፋፋ የመጣው የኢቪዬሽን፣ የንግድ እና የቱሪዝም ትብብር ተግባራዊ ማሳያ መሆኑ ተጠቅሷል።

🔶 ቆንፅላው የንግድና የኢንቨስትመንት ድልድይ ከመሆን ባሻገር በዛምቢያ ለሚኖሩ ኢትዮጵያውያን አስፈላጊውን ድጋፍ በመስጠት የሕዝብ ለሕዝብና የባህል ልውውጡን ያጠናክራል ተብሎ ታምኖበታል።

✅ ስፑትኒክ ኢትዮጵያ | 📲 መተግበሪያ | 👉 X

የሩሲያ የጋዝ ማቀናበሪያ ኩባንያ ሲቡር የፖሊመር ወጪ ንግዱን ወደ አፍሪካ እያሰፋ ነው

🇷🇺 🌍 ኩባንያው "ዲጂፒ-2" ከተሰኘው አዲሱ የፖሊፕሮፒሊን ማምረቻ ፋብሪካው የሚያመርተውን የተወሰነ ክፍል ወደ ውጭ ሀገር ለመላክ ማቀዱን የሲቡር ዋና ሥራ አስፈፃሚ ሚካኤል ካሪሳሎቭ ለመገናኛ ብዙሃን ተናግረዋል።

"ፖሊፕሮፒሊን በዓለም አቀፍ ደረጃ በከፍተኛ መጠን ከሚመረቱና ፈጣን ዕድገት ከሚያስመዘግቡ የፕላስቲክ ዓይነቶች አንዱ ሲሆን፤ ከግንባታ እስከ ምግብ ማሸጊያ ድረስ ሰፊ ፍላጎት ያለው ነው"

🔊 የዲጂፒ-2 ማምረቻ ተቋም በዓመት 570,000 ቶን የማምረት አቅም ያለው ሲሆን፤ እ.አ.አ በ2027 ሥራ እንደሚጀምር ተገልጿል።

"በከፍተኛ ሁኔታ ውጤታማ መሆን እንችላለን" ሲሉ ካሪሳሎቭ ተናግረዋል።

👉 ይህ የሩሲያ ኩባንያ በኢነርጂ፣ በአውቶሞቲቭ፣ በግንባታ፣ በኢንዱስትሪ ዕቃዎች፣ በኬሚካል እና በሌሎች ዘርፎች ለሚሰማሩ ደንበኞች ምርቶቹን ያቀርባል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X