Аҧснытәи аҳәынҭқарратә университет астудентцәа Сҭампыл апрактика иахысуеит.

Апрограмма иалахәуп жәларбжьаратәи аизыҟазаашьақәеи аҭоурыхи атеориеи ркафедра ахәбатәи акурс астудентцәа 16-ҩык, абри атәы аанацҳауеит Аҧсны адәныҟатәи аусқәа рминистрра.

Дара рзы еиҿыркаауеит алекциақәа рцикл. Хшыҩзышьҭра аҭахоит Ҭырқәтәыла адәныҟатәи аполитика ашьаҭақәа, жәларбжьаратәи атерроризм аҿагылара, ҳаамҭазтәи Мрагылара Ааигәа агеополитикатә процессқәа, аекономика аҭоурых.

Апрограмма еиҿкаауп Медениет ауниверситет аҿы Ҭырқәтәыла иҟоу Аԥсны азинмчнагӡа змоу Ахаҭарнакра ацхыраарала.