کۆنیشتەی تایبەت سەرو خەسارشناسی ڕاوڕەسموو دەگاکاو هەورامانی
ئارۆ جە شارو سنەی بە بەشداری چنڐە کەسایەتیێ و ئەنداماو ئەنجومەنەکاو قەڵەموو هەورامانی،مامۆسابێسارانی، هەوارووئاوەزی و باخچەوگوراڵا یەکۆم کۆنیشت ئەنجام دریا، پەی باس کەردەی وشیوەکەردەی خەسارەکا و دیمەنە خاسەکاو مەراسمەکاو هەورامانی کە هەر جارێو دەگایەنە بەنامێ هەناری، وەزی،سماقی یا هەنگووری ملا ڕاوە.
چی مەراسمەنە وەلی کاکایی پیسەو دەبیرو کۆنیشتی بەسەرینج سەرو جەهانی بیەی و سەبتو جەهانی هورامانی واتش کە بێشک هەورامان داراو سەرمایەهایە مادی ومەعنەوی فرەین کە پی جۆرە دەس نریان سەرشوە پیسەو میراتەی جەهانی حەساوشا کەردەن.
کاکایی واتش پی جۆرە ئێتر ڕاوڕەسمێ جوراوجۆرێ ئەنجام گێریا و گەشتیارێچ ڕوەماکەرانە ،بەڵام ئێمە چێش کەرمێ پیسەو فەعالین وپیجۆرکاری فەرهەنگی،پیسەو ئەنجومەنی هورامانی کاریگەری وێما نیشانە دەیمێ کە هەر مەراسمەی مەنریورە بە بەشداری ئەنجۆمەنەکا کامڵتەر بۆ ونەقششا وەرچەم بۆ.
دەبیروئی کۆنیشتیە واتش کە ئێمە جە هەر مەراسمەی لازمەن یەرێ هەدەفێ وەرچەم گێرمێ.
یۆشا لازمەن هەر مەراسمەینە زوان وفەرهەنگو هورامی سەرینج دریو وخاستەر بژناسیو.
دوێ پارێزنای ژیوگەی و وێزای خاستەر وباشتەر وەرچەم گیریو ونەوێمێ بە زۆبالەدانی ناگەشتیاران
یەرێ چەنی تاومێ چی سەرمایە مادی ومەعنەویانە پەی خەڵکی دارایی وەش کریو وئابووری گەشەکەرو.
چی کۆنیشتە ویرمەندێ ئازیزێ ومامۆستایا
محی الدین محمودیان، خالداحمدی، سیدمسعودحسینی، دکترنصرالله کنعانی ، محمدشریف علیرمایی، کژال بیگلری، دلیراداک، جوادحمزه، صباح حسنی شیانی، دکتر مکرم غفاری، همارشیدی، رحیم غلام ویسی، فرهاد سعیدی و امیر بابایی
بابەتەکاو وێشا وستێ وەرچەم کە ئێشارە مەکریو بە خولاسەیەشا :
...سۆنەت و مۆدێڕنیتە هەنێ وەرانوەرکێنە ولازمەن ژیرانە چی باروودۆخەنە بتاومێ سەرکەوتێ بێمێ وجیاچانەیە ئی کارە نەفعەی مادیش هەنە ومەو ،مشۆ فەرهەنگ و زوان جە گردو مەراسمەینە وەرچەم گیریۆ.
...لازمەن بە پەیجۆرکاری ورد خاسی وخراویەکا لێیەک دریاوە وهازەو هورامانی وسستیەکا وەرچەم گێرمێ
...پەنەوازەن جە گرد بەرنامەیە ئەندامێ ئەنجۆمەنەکا نموونێ با ، جە ڕەفتار وئێخلاق وخەسارەکاو کۆمەڵگای پیسەو مواد مخدری و..پەیجۆرکریا وهیچ بەرنامەیە بەنامێ هیچ جەرەیان وئیدئولۆژی وگرووهی ئەنجام نەگێرو.
...مشۆ هەربەرنامەیە کارشناسی کریو وئاکامەکاش لێیەک دریاوە
...مشۆ جە هورامان گەشتیاری واقێعی بژناسمێ و پەی ئی کاریە بەرنامەڕێزی کریو
...هۆرپرای بەشەین چی فەرهەنگەی بەڵام پەنەوازەن ڕێکو وپێک وفەرهەنگی بلۆراوە
...بێ وەشەویسی ومحێبەت هیچ کارەی نمەکریو وپەنەوازەن ڕۆشنفکری واقێعی هورامی ، کە سەرزەمین پەیش پیرۆزبۆ سەرە هۆربڐو
...ئەنجۆمەنەکاو میراس فەرهەنگی فەعال کریاوە
......ئێمە هەنمێ دنیای تازێ ومۆدێڕنەنە ومشۆ ئی ڕاسیەی قبووڵ کەرمێ وپەی گردوو کارەکا پیسە و پیشەو گەشتیاری، داواکاری خەڵکی، دەعوت جە دێهیارەکان و پەیوەندی خەڵکی وگەشتیارەکا کە هەرکام ئەرکو وێشا بژناسا
...کێشەو جادە وچێر بەناکا...مشو پەیجۆرکریو وهەر مەراسمەی وەرچەم گیریا
جە دماو قسەکاوە ئاغەی مێهدی ڕاوەبەروو پایگاو دیمەنوو هورامانی واتش من یەکۆم جارەن چی ئەرەنیشتەیە بەشداری مەکەروو بەڵام لازمەن هامکاری وهامدڵیما فرەتەر بۆ و واتشا مشۆ کاری زانشتی ودانشگایی کریو و مەسیرەی عال پەی ئی جۆرە هەرمانانە بێزمێوە
ئاغەی مێهدی واتش هورامان بە کاری هەرەوەزی وگەل کەردەی مەشهوورەن وئینە بەشەی قورسەن چی فەرهەنگەیە ومشۆ ئێمەیچ جە هەرمانە فەرهەنگیەکانە ئی جۆرە ویریە بەکار بەرمێ وخاس نیەن ناڕێکی و گرژی و دژ بیەی جە کارەکانە بۆ وپەنەوازەن نەقدکردەی دلسوزانە جەهەر بەرنامەیەنە بۆ. ئێمە بەکاری عێلمی وهامویری متاومێ وەرانوەروو هێرشە فەرهەنگیە بێگانەکاوە مدرمێ.
ڕاەوەبەروو پایگاو دیمەنوو هورامانی واتش کە ئێمە کتێویلەیە کاریما ئامادە کەردەن کە گردوو مراسمەکاش چەنە سەبت کریاینێ و بەزوویی ئەنجۆمەنەکاو میراسی مۆزمێوە کار
جە ئاکامو کۆنیشتەکەی چی باوەتانە پەی ئەنجامی هامویری کریا
...ڕاوەبەردەی هەمامەیە جە دانشگاو کوردستانی بەهامبەشی
شووراو ئاخێزی، پایگاو دیمەنوو هورامانی، بنکێ پەیجۆرکاری هورامانی جە دانشگاو کوردستانی
...ئەرەنیشتەیە بەش بەش چەنی دێهیارەکاو دەگاکاو هورامانی
..تەقالا دای پەی سەبتو برەندەکاو هورامانی
.... بەدەس ئاوردەی هاز وکاریگەری جە گردوو مەراسمەکا
...کاکایی
Post #12796
363
- ❤ 5