Ustoz va murabbiylarga ehtirom — qadriyat va davomiylik timsoli

1-oktabr — O‘qituvchi va murabbiylar kuni munosabati bilan Sanoat, radiatsiya va yadro xavfsizligi qo‘mitasi xodimlari tizimda uzoq yillar samarali mehnat qilgan, o‘zining boy tajribasi va bilimlarini yosh avlodga o‘rgatib kelgan faxriy va nafaqadagi xodimlardan hol-ahvol so‘rab, ularni bayram bilan samimiy tabrikladilar.

Uchrashuvlar davomida ustozlarning mehnat faoliyati, sohaga qo‘shgan hissasi va ko‘p yillik tajribasi yuksak e’tirof etildi. Faxriy xodimlarga mustahkam sog‘lik, oilaviy xotirjamlik, uzoq umr va farovon hayot tilaklari bildirildi.

Ustoz va murabbiylarning ko‘p yillik mehnati, kasbiy tajribasi va hayotiy saboqlari bugungi avlod uchun muhim maktab bo‘lib xizmat qiladi. Ularning fidokorona mehnatini qadrlash, holidan xabar olish va doimo e’zozlash — milliy qadriyatlarimizning ajralmas qismidir.

Sanoat, radiatsiya va yadro xavfsizligi qo‘mitasi jamoasi barcha ustoz va murabbiylarni ushbu qutlug‘ bayram bilan muborakbod etadi!

👉Telegram |💬Facebook |📷Instagram |▶️YouTube |🌐Veb-sayt