Вы паглядзіце, што перакладаю.
Гэта анімэ па (параўнальна) новай манзе Аракава, мангакі ФМА. Але пра яго настолькі складана расказаць* без спойлераў да першай жа серыі (яна ж першая глава), што нават студыя здалася і выпусціла трэйлер і key visuals, якія на 50% складаюцца з даволі вялікага спойлеру. (Тым не менш, мяркуючы па рэакцыях на першую серыю, шмат хто з гледачоў трэйлер не бачыў, а калі бачыў, то спойлераў не заўважыў.) Адзінае, што я магу сказаць — гэта абсалютна не ФМА 2.0. З агульнага там толькі экшн, маштабная таемная змова і цэлы каст персанажаў розных адценняў маральна-шэрага.
Гэты тайтл лепей пачынаць глядзець, не ведаючы абсалютна нічога, і даць яму хаця б серыі тры ці чатыры — каб праверыць, ці не напружвае вас пачуццё таго, што вы не разумееце нічога, што тут адбываецца. Таму што гэтае пачуццё што ў чытачоў, што ў галоўнага героя захоўваецца на працягу першых 30—40 глаў мангі (а гэта будзе хіба не ўвесь першы сезон, у якім 24 серыі).
_____________
* — цалкам магчыма, што параўнальная непапулярнасць мангі па-за Японіяй выкліканая якраз гэтым. Як прарэкламаваць мангу, пра якую амаль нічога нельга расказаць? Хіба што паўсюль нагадваць, што гэта ад мангакі таго самага Стальнога алхіміка, што не найлепшая тактыка. Быццам бы гэта адзінае цікавае, што можна расказаць пра мангу (а гэта няпраўда!)