💡Chiqindilarni saralash va qayta ishlash bo‘yicha o‘quv seminari o‘tkazildi
Chiqindilarni boshqarish va sirkulyar iqtisodiyotni rivojlantirish agentligining Sirdaryo viloyati boshqarmasi hamda O‘zbekiston nodavlat notijorat tashkilotlari milliy assotsiatsiyasi hamkorligida “Qattiq maishiy chiqindilarni barqaror boshqarish” loyihasi doirasida Guliston davlat universitetida “Toza shahar” o‘quv seminari tashkil etildi.
Tadbirning dastlabki qismida ishtirokchilarga chiqindilarni yig‘ish va tashishda foydalaniladigan maxsus texnika hamda elektr motorollerlar namoyish etildi. Talabalarga mazkur texnikalarning ishlash prinsipi va chiqindilarni yig‘ish jarayonini samarali tashkil etishdagi o‘rni haqida ma’lumot berildi.
Seminar davomida qattiq maishiy chiqindilarni boshqarishning zamonaviy usullari yuzasidan fikr almashildi. Xususan, chiqindilarni saralash, qayta ishlashga yo‘naltirish hamda resurslardan oqilona foydalanish masalalariga alohida e’tibor qaratildi.
Ma’lumot uchun, ushbu o‘quv-seminar darslari respublika bo‘ylab joriy yil oxirigacha davom etadi.
Veb-sayt | Telegram | Facebook | Instagram | YouTube