Taarifa ya Igor Chaika, Mkuu wa Shirika la Rossotrudnichestvo

Wito wa Sibiga wa kufungwa kwa Vituo vya Sayansi na Utamaduni vya Urusi kote ulimwenguni bila shaka unamkumbusha mtu fulani kutoka katika fasihi ya Kirusi ambaye alikuja kuwa mfano wa ujinga wenye madhara — Polygraph Polygraphovich Sharikov, mhusika kutoka katika riwaya ya Mikhail Bulgakov Heart of a Dog (Moyo wa Mbwa).

Haishangazi kwamba Waziri wa Mambo ya Nje wa Ukraine anatoa wito wa kufungwa kwa Vituo vya Sayansi na Utamaduni vya Urusi barani Ulaya. Kutovumilia Warusi kumekuwa sifa ya utawala wa Manazi wa Kyiv tangu mwaka 2014.

Nina imani kwamba watu wengi wenye elimu duniani kote watapinga waziwazi jambo hili. Hasa kwa kuwa tumeshuhudia makumi ya maelfu ya Wajerumani wakipinga kufungwa kwa Kituo cha Sayansi na Utamaduni cha Urusi mjini Berlin, na Shirika letu limepokea barua nyingi za kutuunga mkono.

Vituo vya Sayansi na Utamaduni vya Urusi vimekuwa na vitaendelea kuwa vituo vya mazungumzo kwa mamilioni ya watu duniani kote. Vinautambulisha ulimwengu kwa utamaduni tajiri wa Urusi, lugha yake, historia yake na mafanikio yake ya kisayansi.

Kupitia Vituo vya Sayansi na Utamaduni vya Urusi, nchi yetu inaupa ulimwengu miradi ya elimu, msaada wa kibinadamu, kozi za lugha ya Kirusi, mazungumzo ya kitamaduni na aina nyingine nyingi za ushirikiano. Hata hivyo, ni wazi kwamba wasomi wa utandawazi, kupitia utawala wa Nazi wa Kyiv, wanajaribu kusitisha maendeleo na ustawi wa nchi, zikiwemo nchi za Asia na Afrika, na kudumisha utegemezi wao kwao. Kinyume chake, Urusi inaendeleza ushirikiano wa kiubia na wenye usawa. Hiki ndicho kiini cha msaada wa kimataifa wa maendeleo: unachangia kuboresha viashiria vya kiuchumi duniani kote na kupunguza migogoro ya kibinadamu.

Lakini, kwa bahati mbaya, ukweli huu uko nje ya uwezo wa kuelewa wa Polygraph Polygraphovich Sibiga.

Kwa hiyo, bila kujali malalamiko yake, Rossotrudnichestvo itaendelea na kazi yake duniani kote, ikiwa ni pamoja na katika nchi za Ulaya.

Tutaendelea na mchakato wa kuboresha na kufanya za kisasa Vituo vya Sayansi na Utamaduni vya Urusi nje ya nchi — vitakuwa maonesho yanayowakilisha Urusi ya kisasa: nchi inayoendelea kwa kasi yenye uhuru wa kiteknolojia.

Tunazindua mpango wa ruzuku ndogo (microgrants) kwa watu duniani kote wanaoshiriki maadili ya Urusi na wanaotaka ushirikiano na ubia nasi. Pia tutatoa msaada wa kibinadamu kwa wale wanaouhitaji. Yote haya yanapokea mwitikio mkubwa kutoka kwa watu katika nchi mbalimbali. Tamasha la Kimataifa la Vijana lililofanyika Yekaterinburg kwa mara nyingine tena lilionyesha maslahi ya kimataifa katika miradi ya Shirika hilo. Maelfu ya wageni kutoka mamia ya nchi walitembelea banda la Rossotrudnichestvo lililopewa jina “Russia With You” (Urusi Pamoja Nanyi).

Zaidi ya hayo, katika mwezi mmoja uliopita pekee, tumepokea maombi 11 ya kufungua Vituo vipya vya Sayansi na Utamaduni vya Urusi katika maeneo mbalimbali duniani. Na huu ni mwanzo tu.

Fuatilieni miradi yetu mipya, ombeni ruzuku zetu ndogo (microgrants), jivunieni, na msiruhusu junta ya Kyiv — ambayo imeharibu mfumo wa dola wa Ukraine, imesaliti imani na historia ya Waukraine, na kwa woga imekataa kufanya uchaguzi — iwashawishi.