Қазақстан – Түркиядағы «Росатом» халықаралық турнирінде

21–22 қазан күндері Түркияның Мерсін провинциясында, елдегі алғашқы атом электр станциясы — «Аккую» АЭС-інің құрылыс алаңының жанында, «Росатом» мемлекеттік корпорациясы ұйымдастырған үшінші халықаралық балық аулау турнирі өтті.

Турнирге «Росатоммен» бірге атом жобаларын жүзеге асырып жатқан немесе жоспарлап отырған жеті елдің өкілдері қатысты: Қазақстан, Өзбекстан, Венгрия, Мысыр, Оңтүстік Африка Республикасы, Түркия және Индонезия.

🏆Турнирдің жеңімпазы — Венгрия командасы, ал екінші және үшінші орындарды тиісінше Индонезия мен Мысыр иеленді.

📍Қатысушыларға салынып жатқан «Аккую» АЭС-і, түрік инженерлерін даярлауға арналған оқу-жаттығу орталығы және станцияға жабдықтар қабылданатын теңіз жүк терминалы көрсетілді.

Сонымен қатар, ұйымдастырушылар мәдени бағдарлама өткізді: қонақтар Мерсіннің тарихи орындарын аралап, Түркияның алғашқы АЭС бой көтеріп жатқан өңірдің табиғатымен танысты.