Түркиядағы «Аккую» АЭС-інің алаңында №4 энергоблоктың машина залының +18 метр белгісіндегі жабын плитасы бетондалды. Плита машина залының еденіне айналады: одан негізгі жабдықтарға – турбинаға, білік бұрағыш құрылғыға және генераторға қызмет көрсетіледі.
👷 Жұмысқа екі ауысымда 120 маман қатысты. Олар арматуралау жұмыстарын жүргізіп, бетон сорғыларының көмегімен 1801 м³ бетон қоспасын құйып, қуыстарды жою үшін дірілдетіп нығыздады. Келесі кезең – турбоагрегатқа арналған іргетасты дайындау: ол үшін 308 тонна беріктігі жоғары болат пен 2238 м³ бетон қажет болады.
«Ең ірі ресей-түрік жобасы маңызды кезеңнен өтіп жатыр. Жұмыс барлық төрт блокта жүргізілуде, бұрыннан бар инфрақұрылымға саланың жоғары сенімділік стандарттарына сай келетін жаңа нысандар қосылуда», – деп атап өтті «Аккую Нуклеар» АҚ бас директоры Сергей Буцких.