⁉️ Hech o‘ylab ko‘rganmisiz, nega ba’zi avtomobillarda rul o‘ng tomonda joylashgan? Bu tasodif emas!

Bu holat tarix va harakat qoidalari bilan bog‘liq. Ilgarilari ot-aravalar davrida odamlar asosan chap tomondan harakatlangan, chunki ko‘pchilik o‘ngqo‘l bo‘lgan va qurolni o‘ng qo‘lda ushlash qulay edi. Shu sababli Buyuk Britaniya va uning mustamlakalarida chap tomonlama harakat saqlanib qolgan, rul esa o‘ng tomonga joylashtirilgan.

Keyinchalik AQSh va Yevropa davlatlarida o‘ng tomonlama harakat qabul qilinib, rul chap tomonga o‘tkazilgan. Shuning uchun bugun Yaponiya, Angliya, Avstraliya kabi davlatlarda o‘ng rulli mashinalar uchraydi, qolgan ko‘plab mamlakatlarda esa chap rul standart hisoblanadi.