https://youtu.be/ZDdvbSvK5BE

Bu dəfəki buraxılışımızın qonağı Qafqaz Tarixi Mərkəzinin rəhbəri Rizvan Hüseynovdur.

Rizvan Hüseynovla birlikdə qlobal və regional miqyasda baş verən ən son gərginlikləri, Avropadakı müharibə hazırlıqlarını, Yaxın Şərqdəki prosesləri və Cənubi Qafqaz ətrafındakı geosiyasi oyunları dərindən təhlil etdik.

📌 Müzakirə olunan əsas mövzular:

Avropada Müharibə Təhlükəsi: İtaliyanın mövqe döyüşlərinə hazırlığı, Belarusun tam mobilizasiyaya keçidi, Norveçin silahlanması və ümumilikdə Avropa ölkələrinin hərbi hazırlıq prosesi.

Siyasi Dəyişikliklər və Gərginliklər: Almaniyada radikal sağçıların fəallaşması, Polşadakı siyasi dəyişikliklər, Baltikyani ölkələrin taleyi və Şərqi Avropada müharibə ehtimalı.

Qlobal Güc Mübarizəsi: Vatikanın başçılıq etdiyi Avropa ölkələrinin Böyük Britaniyaya qarşı addımları, mövcud regional münaqişələrin böyük müharibəyə çevrilməmə səbəbləri və tarixi paraleləri (I və II Dünya müharibələri ilə müqayisə).

Yaxın Şərq və Körfəz Böhranı: Husilərin aktivləşməsinin səbəbləri, İrandan başqa bu prosesdə maraqlı olan digər qüvvələr, Türkiyə və Pakistanın Səudiyyə Ərəbistanını müdafiə etməmə səbəbləri, Məkkə sazişinin işə düşməməsinin real arxası və Çinin Babəlməndab boğazındakı maraqları.

ABŞ və Rusiya Faktorları: ABŞ-də seçkilər ərəfəsində gözlənilən hadisələr, Tramp administrasiyasının dalana dirəndiyi məqamlar, Rusiyanın Xəzərdə zəifləmə səbəbləri, eləcə də İran və Rusiyanın TRİPP nəqliyyat layihələri ilə bağlı səbrli davranış taktistikası.

Cənubi Qafqaz və Azərbaycan: Azərbaycanın yumşaq güc vasitəsilə Ermənistanı ram etməsi, ölkə daxilində yumşaq gücün tətbiq olunmama səbəbləri, daxildə diqqət yetirilməli problemlər və bölücülüyün arxasında duran xarici xüsusi xidmət orqanlarının fəaliyyəti.