Саха тыла Гуугул тылбаасчытыгар киирдэ!

Бэҕэһээ Гуугул хампаанньа бэйэтин блогар Гуугул Транслэйт диэн тылбаасчытыгар эбии 110 тылы эппитин туһунан биллэрдэ. Ол тыллар истэригэр саха тыла киирбитэ билиннэ (толору испииһэк).

Санаттахха, ити тылбаасчыкка урут Арассыыйа тылларыттан икки эрэ тыл баара: нуучча тыла уонна иллэрээ сыл эбиллибит татаар тыла.

Билигин аваар, башкиир, бүрээт, коми, осетин, тыыба, удмуурт, чувааш, чэчиэн, хонуу мариларын тыллара уонна, этиллибитин курдук, саха тыла киирдилэр. Аан дойдуга 7 тыһыынчаттан тахса тыл баарыттан 240 тыл ити тылбаасчыкка баар буолла.

Саҥа тыллар испииһэккэ өссө да ситэ киирэ иликтэр (аҕыйах хонук кэтэһиҥ диэбиттэр), ол эрээри Google Тылбаасчыт сахалыы тиэкиһи уктахха хайыы-үйэ сүүстэн тахса тылга тылбаастыыр буолбут (скриншотка көрүҥ).

Биики Халандаар | Сурут