Читайте на русском в комментариях

Чимали но ватылон удмурт дунне суред бордаз вуремын: ми тодӥськом, йырамы штанэн но пыдамы дэремен ке, вожоос асьмемыз уз шедьтэ шуыса. Палэсмуртлэсь палэзьпу улэ ватсконо шуыса. Тужгес но дуноез ӵужанайлэн пирданэн шыкысаз утчано шуыса. Озьы ик лушкемен вераськеммы потэ ке, удмурт кылын верано шуыса.

Ми тодӥськом кызьы со — кылбуръёсмес ватылыны, кылмес ватылыны. Кызьы со адӟиськонтэм луыны. Милемлы потэ, адӟиськонтэм луон ӵемысь ыштонэн но возьдаськонэн герӟаськемын.

Озьы ке но чимали ыштон гинэ выллем ум адӟиськы, нош кулэ луись но утись функция выллем. Озьы асьмемыз но йырсазьмес утьыны быгатӥм. Ватылыса улыны, йыре кельтыны шуыса. Ватскыса улыны, луыны шуыса. Маке ыштэм но фрагментарной, маке пытсам но ворекъясь шоры тӥледлы учкыны ӵектӥськом — чимали пыр. Но лушкем кылбурдэс, мудрон прозадэс, шифровать карем суреддэс, видео-эсседэс, ребусъёстэс но мадиськонкылъёстэс 31-тӥ гудырикошконозь возьмаськом.

Ыстэлэ текстъёстэс но визуальной ужъёстэс татчы. Туки-туки!