🦠 Yaqin vaqtgacha bu imkonsiz deb o‘ylangan edi. Lekin endi Denuvo himoyasiga ega hamma o‘yinlar buzilgan.
🔒 So‘nggi “taslim etilgan” loyihalar qatoriga Dragon’s Dogma 2, Marvel’s Midnight Suns, Assassin’s Creed Valhalla, Far Cry 5, shuningdek EA’ning sport o‘yinlari - Madden NFL 24, Madden NFL 25, EA Sports FC 24 va EA Sports FC 25 ham kiradi.
👺 Hakerlar o‘yinni to‘g‘ridan-to‘g‘ri emas, balki “yashirin virtual tizim” ichida ishga tushiradi. Shu orqali Denuvo Anti-Tamper’ni aldashadi. Ya’ni Denuvo “hammasi joyida” deb o‘ylaydi, lekin aslida himoya ishlamadi.
💻 Shu bilan birga, bunday yondashuv xavfli hisoblanadi. Chunki u tizimning ayrim himoya funksiyalarini (masalan, Secure Boot) o‘chirishni va tekshirilmagan kodni eng past darajada ishga tushirishni talab qiladi. Bu esa tizimga to‘liq kirish huquqini beradi.
♋️ Qiziqarli tomoni shundaki, bunday ommaviy buzilishlar fonida ko‘plab o‘yin chiqaruvchi kompaniyalar asta-sekin Denuvo’dan voz kechishni boshlashdi. Masalan, yaqinlashib kelayotgan Star Wars: Galactic Racer o‘yini Steam sahifasidan Denuvo haqidagi eslatma kutilmaganda yo‘qoldi - o‘yinchilar esa bu tasodif emasligiga ishonmoqda.
♥️ Umuman olganda, Denuvo foydalanuvchilar orasida yaxshi obro‘ga ega emas. Sababi - u o‘yinlarda ishlash tezligining pasayishiga (FPS tushishi, lag va “stutter”lar), protsessorga ortiqcha yuklama berilishiga va SSD’ning tezroq eskirishiga sabab bo‘lishi mumkin degan shubhalar mavjud. Garchi ishlab chiquvchilar buni rad etsa ham, testlar ayniqsa kuchsiz kompyuterlarda muammolar borligini ko‘rsatmoqda.
🚀 @Redbyteuz
RedByte - har bir bayt muhim 🇺🇿
YouTube | Instagram | LinkedIn