✍ جوابوو شێعرەکێ کاک هومایۆنی..

سڵام ســـــــــــــــــەرت بۆ کاکه همایون
واتەی کول کەسەن نەک حەر من و تۆن

شێعرەکێــــــم کەردی به قووتوو ڕۆحی
واناموە به دڵ دماو نمـــــــاو سۆحـــــی

واتەنــــــــــــــشا عەمر بلۆ ڕوو به سەر
تەماعـــه کــــــــەم کەم سەره مارۆ بەر

دەس و پــــــــــل و پا مایێل به لەرزەن
هێشـــتا تەماعـــــــــە دەمارش بەرزەن

یانەش گەرەکەن یەرەچـــوار نهـــــــۆم
ئانه زووتەر من حـــــەز کەرێنێ بــــۆم

ئەشتەهاشــــــــــەنە پەی سوورەساوێ
شنیـــــــۆ چوون ڕێحان هەم ولەگڵاوێ

بیەبۆ ئامێته خـــــــــــــــــرخاڵ و پیاڵه
مێخەکــــــــــــێ جەسەر سوورەهەراڵه

زڵفــــــــــێ پەرێشان ڕووی دەم و دیده
کوڵمێ نەوڕەستــــه،کەس نەگـــــەزیده

دەم چوون هەراڵەو هــــــەناروو گوازی
لامل چــــــــــــوون ڤەروەو ئاواتەوازی

هێشتا تەماعــــــــــــــەش پینانه ڕەزان
نمەزانۆ پاسپورت جه ســـــەفی ئێمزان

نەزاناش جـــــوانی جەدەسش بەرشــی
یەکسانەن جــــــەلاش ..... و کەرتەشی

کاکەگیان ئیتر چەمـێ وێش پەی وێش
خواڵە ڕرقش دۆ کــــەرۆشان دەروێش

فرەکەس پا چــــــــەما بیەن به لێـــــوه
پەی سوکنــــــای ڕۆحی یادٚش کەرمێوه

چەنیـــــەن هومایۆن"رێبوار"یچ پاسەن
داخەکــــەم ئاخرش هەرس و هەناسەن
              رێبوار شهریور 1405
https://t.me/rebvar290198