✍ گەلاوێژ
ماچان گـــــــەلاوێژ هەم بەرئاماوه
وەعدٚەکــــــەی دیدار بیناش نیاوه

یانی دوباره فەسڵــــــــــی پاییزەن
زڕەی کارەوان کـــــــۆچی عازیزەن

هەرکات گەلاوێژ مزیۆ جه بەرزان
غەم و پەژارەی کول کەرۆ هەرزان

خـــــــــەیلێوەن یارێ ئێنتێزارێنێ
تامەزرۆ دیای باڵاو یارێنـــــــــــێ

وەشەن زڕیۆوه زەنگــــوو دیداری
پیویۆ جه کـــــاروان باڵاکەو یاری

یا گنــــــۆ دماوه یا بۆ به سەرئیل
ساڕێژش کەرۆ ئامان و دەخیــــل

ئەوڵ وێرەگا مەیــــوە پەی یانەی
کونەکەی هۆرگێرۆ ڕوەکەرۆ هانەی

هانە و ڕاو هانەی بۆ مەخشەڵانـی
ڤێــــــــــــرانەو دڵی کەرۆ ئاوانــی

واچــــــــۆ گەلاوێژ مزگانی دەرەن
دڵ جه ڕاو دڵی عەزمش سەفەرەن

"رێبوار"ێ مــدران جــه سەرەڕاوه
ئیمساڵیچ کـــۆچێ سڵامەت بیاوە

واچان ئای ئۆخەی دەمەو پاییزەن
وەخت و وەعدٚەکەی ئامای عازیزەن
https://t.me/rebvar290198
رێبوار ، خەرمانانی 1405 ش