​​​​​#Ҳадис

Расулуллоҳ соллаллоҳу алайҳи васалламнинг кўп истиғфор айтишлари.

عن أبي هريرة رضي الله عنه قال: سمعت رسول الله صلى الله عليه وسلم يقول: "والله إنى لأستغفرالله و أتوب إليه فى اليوم أكثر من سبعين مرة" رواه البخاري

Абу Ҳурайра розияллоҳу анҳудан ривоят қилинади. У киши айтадилар: Мен Расулуллоҳ соллаллоҳу алайҳи васалламни шундай деяётганларини эшитдим: "Аллохга қасамки, мен кунда етмиш мартадан кўпроқ Аллоҳга истиғфор айтаман ва Унга тавба қиламан".
Имом Бухорий ривояти.

Шарҳ: Аллоҳ таъолонинг азамати ва қудрати ҳақида бандада қай даражада шуъур ва ҳис бўлса, у шу даражада ўзини ўзи бандалик ҳақларини адо қилишда ожиз деб билади. Расулуллоҳ соллаллоҳу алайҳи васалламда бу нарса энг мукаммал даражада эди, шунга кўра, бандалик ҳаққини тўлиқ адо қила олмаслик ҳисси, У Зот соллаллоҳу алайҳи васалламда устунроқ эди. Шунинг учун У Зот соллаллоҳу алайҳи васаллам қайта-қайта ва узлуксиз тавба қилар ва истиғфор айтар эдилар ҳамда уни изҳор қилиб, умматга таълим берар эдилар.

•┈┈•┈┈•⊰✿🍃🌸🍃✿⊱•┈┈•┈┈•

♻️Дўстларингизга ҳам улашинг!!!

Бизни ижтимоий тармоқларда
кузатиб боринг:
👇👇
🌐www.Ravza.uz | 📝Telegram
💻Instagram | 📝Facebook |  🎞Youtube