Бүген Россиядә террорчылыкка каршы көрәштә халыкара бердәмлек көне билгеләп үтелә. Бу - иң яңа хәтер көне, ул 2005 елның 6 июлендә "Россиянең хәрби дан көннәре" федераль законы белән кертелә һәм турыдан-туры 2004 елның 1-3 сентябрь көннәрендәге Беслан фаҗигасе белән бәйле.
Район үзәгендәге Геройлар аллеясында да гөнаһсызга өзелгән гомерләрнең якты истәлегенә багышланып "Тормыш тамчысы" акциясе узды. Чараның төп максаты - террорчылыкка каршы нәфрәт уяту, мәрхәмәтлелек хисләре, актив гражданлык позициясе булдыру. Акциядә районыбызның оешма хезмәткәрләре, "Алдынгылар хәрәкәте" активистлары катнашты.