🏢Жетісу облысында Үштөбе станциясының вокзалын қайта жаңарту аяқталды

▶️Жетісу облысында 1930 жылы салынған Үштөбе станциясының теміржол вокзалын қайта жаңарту толығымен аяқталды. Жұмыстар Мемлекет басшысының тапсырмасы бойынша іске асырылып жатқан еліміздің теміржол вокзалдарын жаңғырту бағдарламасы шеңберінде орындалды.

▶️Қайта құру қорытындысы бойынша екі қабатты ғимараттың жалпы ауданы 1 335 шаршы метрді құрады. Шатыр, қасбет және ішкі үй-жайлар толығымен жаңартылып, кәріз, сумен, жылумен және электрмен жабдықтау жүйелері жаңартылды. Іргелес аумақты және жолаушылар перроның абаттандыру жұмыстары жүргізілді.

▶️Ғимараттың қасбеті сызықтық панельдермен апталып, негізі гранитпен қапталған. Ішкі бөлмелерде аспалы торлы төбелер орнатылып, едендеріне керамогранит төселген. Жаңа эвакуациялық жолдар жабдықталып, өрт қауіпсіздігі талаптарына жауап беретін есіктер орнатылды. Жұмыс барысында қазақстандық өндіріс материалдары пайдаланылды.

▶️Вокзал 3-класқа жатады. Орташа тәуліктік жолаушылар ағыны шамамен 435 адамды құрайды. Станция арқылы Алматы, Астана, Павлодар, Өскемен, Семей, Талдықорған, Қарағанды, Балқаш, сондай-ақ Ресеймен байланыстыратын 22 пойыз қатынайды.

▶️Жоба «Қазақстан темір жолы» ҰК» АҚ-ның өз қаражаты есебінен Қазақстан Республикасының Үкіметі, Көлік министрлігі, «Самұрық-Қазына» АҚ және облыс әкімдігінің қолдауымен жүзеге асырылды.