Старшыня Рады БНР Івонка Сурвілла мела тэлефонную размову з камандаваньнем палка імя Кастуся Каліноўскага. Спадарыня Сурвілла пацьвердзіла падтрымку Рады БНР змагарам супраць расейскіх агрэсараў. Каліноўцы наведалі праскія Альшанскія могілкі, дзе спачываюць прэзыдэнты БНР Пётра Крэчэўскі і Васіль Захарка. «Абодва моманты, якім мела магчымасьць быць сьведкай, былі вельмі моцныя. Бо ў іх адчувалася прыналежнасьць, пераемнасьць і адданасьць ідэалам Незалежнасьці» – напісала дырэктарка Офісу дэмакратычных сілаў у Празе Kryścina Šyjanok. На здымку: каліноўцы на магіле Васіля Захаркі, фота Крысьціны Шыянок.