Асмоул ҳусно

📜31. ал-Латиф

Аллоҳ таолонинг ал-Латиф исми Қуръони Каримнинг қуйида келтирилган етти оятида зикр қилинган:
1. «Кўзлар Уни идрок эта олмас, У кўзларни идрок этар. У ҳар бир нарсани дақиқ ва нозик (латиф) жойларигача билувчидир, ўта хабардордир» (Анъом сураси, 103-оят).

2. «Яратган Зотнинг Ўзи билмасми? Ҳолбуки, У ўта латофатлидир, ўта хабардордир» (Мулк сураси, 14-оят).

3. «Ва уйларингизда тиловат қилинаётган Аллоҳнинг оятларини ва ҳикматни эсланг. Албатта, Аллоҳ ўта латофатлидир, ўта хабардордир» (Аҳзоб сураси, 34-оят).

4.« Албатта, Роббим хоҳлаган нарсасига латифдир. Албатта, У Зот билувчидир, ҳикматлидир» (Юсуф сураси, 100-оят).

5. «Аллоҳ бандаларига ўта латофатлидир. У Ўзи хоҳлаган кишига ризқ берур. У ўта қувватлидир, ўта иззатлидир (азиздир)» (Шууро сураси, 19-оят).

6. «Эй ўғилчам, албатта, у (амал) агар хантал уруғи вазнича бўлса-ю, у бир қоя тош ичида, ёки осмонларда, ёхуд ерда бўлса ҳам, Аллоҳ уни келтирур. Албатта, Аллоҳ ўта латофатлидир, ўта хабардордир» (Луқмон сураси, 16-оят).

7. «Аллоҳ осмондан сув тушириб, ернинг ям-яшил бўлишини кўрмадингми?! Албатта, Аллоҳ ўта латофатлидир, ўта хабардордир» (Ҳаж сураси, 63-оят).
 
Маълумки, «бир нарсада лутфлик» деган жумланинг маъноси: ўша нарсанинг ўта нозиклиги, кишининг ўта яхшилик қилиши, нафсга ўта енгиллиги ёки ана шу нарсанинг махфий, яширин ҳолда бўлиши кабиларни англатади.
«Аллоҳ бандаларига ўта латофатлидир» деган жумланинг маъноси эса: Аллоҳ уларга рафиқ, меҳрибон, ўта яқин, мўминларга Ўз инояти билан меҳрибон, улар хилоф иш қилсалар ҳам тавбага чақирадиган, улар содир этган осийликларини мағфират қиладиган, уларга лутфу марҳаматли, уларнинг хос ҳолатларини биладиган, бандаларининг кўнгилларидан ўтадиган бирор нарса махфий бўлмайдиган Зотдир.

давоми бор...

Манба

@quranuz