“Vinland Saga” tashqaridan vikinglar, qilichbozlik va qonli janglar haqidagi manga bo‘lib ko‘rinadi. Aslida esa Makoto Yukimura mangada “zo‘ravonlik ichida ulg‘aygan inson undan voz kecha oladimi?” degan savolga javob izlaydi.

Muallif avval vikinglar haqida emas, aynan zo‘ravonlik va inson tabiati haqida asar yaratmoqchi bo‘lgan. Keyin bu g‘oyani eng keskin ko‘rsata oladigan tarixiy muhit sifatida vikinglar davrini tanlagan. Shu sabab mangadagi janglar shunchaki tomosha emas. Ularning ortidagi qasos, qullik, yo‘qotish va avloddan avlodga o‘tadigan nafrat qalamga olinadi.

Shuning uchun bu mangadan faqatgina vikinglar yoki jangovar asarlarni yoqtiradiganlar emas, tarixiy roman, xarakter va syujet rivoji va falsafaga boy hikoyalarni yaxshi ko‘radigan kitobxon ham oʻzgacha rohatlanadi.

Chunki “Vinland Saga”ning eng katta jangi qilich bilan olib borilmas ekan. Unda asosiy kurashlar insonning o‘z ichidagi zo‘ravonlik bilan roʻy berarkan. Hozircha juda zoʻr ketyapti. Tez kunda yakuniy fikrlarimni ham yozaman.

➡️@qora_yigit