DEHQONOBOD TUMANIDA KUZATILGAN SEL HODISASI TO‘G‘RISIDA RASMIY MA’LUMOT

2026-yil 13-oktabr kuni soat 17:30 larda Dehqonobod tumanining tog‘li hududlarida kuzatilgan qisqa muddatli kuchli yomg‘ir yog‘ishi natijasida “Qo‘ng‘irot” MFY Shakarbuloq qishlog‘i hududidan sel-suvlari oqimi o‘tgan.
Ma’lumotlarga ko‘ra, yo‘ldan adashgan Damas avtomobil haydovchisi va uning hamrohi yo‘nalishni aniqlash maqsadida sel oqimi o‘tadigan hududda to‘xtagan. Avtomobil sirpanib, sel yo‘lining chuqurroq qismiga tushgan. Shundan so‘ng haydovchi transport vositasidan tushib, telefon orqali bog‘lanishga uringan va hamrohini sel kelayotgani haqida ogohlantirgan.
Biroq sel oqimi natijasida Damas avtomobil va uning ichidagi yo‘lovchini oqim olib ketgan. Olib borilgan qidiruv-qutqaruv ishlari davomida yo‘lovchi fuqaroning jasadi topilgan.
Hodisa joyiga tuman hokimligi, FVB va IIB mas’ullari jalb etilgan.

Boshqa yangiliklar👇
Veb-sayt | Telegram | Instagram | Facebook | YouTube