"Hech narsa bilmasligimni bilaman" (Yunon faylasufi Suqrot)

1999-yilda Kornel universiteti psixologlari Jastin Kryuger va Devid Danninglar insonning bilim darajasi va undagi o‘ziga bo‘lgan ishonch to‘g‘risida tadqiqot o‘tkazishdi. Bu tadqiqot natijalari, tadqiqotni olib borgan olimlarning nomi bilan, Danning-Kryuger effekti deb nomlandi.

Bu fenomenga ko‘ra, kishining bilimi qancha kam bo‘lsa, u o‘zini shuncha ko‘p narsa bilaman deb o‘ylaydi. Va aksincha, kishi ko‘p ma’lumotga ega bo‘lgan sari, tajribasi yaxshilanishiga bo‘lgan ishonchi ma’lum vaqtgacha kamayib boraveradi.