​​Ishlarni orqaga surish odatidan voz kechishning 7 ta sodda usuli


Sizda muhim ishlarni ortga surish odati bormi?

Fizika fanida inersiyaning 2 qonuni mavjud, ularning har ikkalasi prokrastinatsiyaga ham tegishli, deyish mumkin. Birinchi qonun, har qanday jismga tashqi kuch ta’sir qilmagunicha u o’zining tinch holatini yoki to’g’ri chiziqli tekis harakatini saqlaydi va ikkinchi qonun, harakat miqdorining o’zgarishi jismga ta’sir qiluvchi kuchga proparsional, yo’nalishi esa ta’sir qiladi. Harakatdagi jism tebranishda davom etadi.

Bu qonunlarning qay biri sizga tegishli deb o’ylaysiz? Va qanday qilib “tinch holat yoki to’g’ri chiziqli tekis harakatdan” “tebranma harakatga” o’tishingiz mumkin?

Prokrastinatsiyadan xalos bo’lish uchun quyidagi taktikalarni ishga solib ko’ring:

1. “Ertaga bajarmoqchi bo’lgan” vazifalaringizni ro’yhatga olishga 5 daqiqa ajrating.

Oq qog’ozga o’zingiz kechiktirayotgan yoki ortga surayotgan muhim ishlarning bir qanchasini yozing.

2. Ro’yhatga razm soling — va ulardan birini hoziroq bajaring.

Bahonalarga yo’naltirayotgan energiyangizni ortga surayotgan ishingizga sarflang. Harakat xavotirdan xalos etadi.

3. Ro’yhat ustida ishlash uchun alohida vaqtni (bugun) belgilang.

Agar siz uchun ishning mushkul qismi uni boshlab olish bo’lsa, vaqtni muayyan “davrlarga” ajratib olib, “keyinga qoldirayotgan” vazifa, loyiha yoki shaxsiy maqsadingizning har biriga kamida 30 daqiqa ajrating.

4. Mukammallikdan voz keching.

Muhimi kutilgan natijalarga erishish emas, eng muhimi bu vazifaga qancha kuch bag’ishlashingiz. Perfektsionizm (har bir ishni to’la-to’kis bajarishga harakat qilish) o’zingizni koyishga olib kelmasin.

5. Agar ortga surayotgan ishingiz boshqa bir insonga ham bog’liq bo’lsa, u bilan gaplashib oling.

Vazifalarni ortga surayotgan sabablaringiz faqatgina sizning tasavvurlaringizdagina bo’lishi mumkin. Muloqot yetishmovchiligi ko’pincha tuproq uyumlarini tog’dek ko’rsatishi mumkin.

6. O’zingizga shu savolni bering, “Agar bu ishni shu bugunoq bajarsam, yuz berishi mumkin bo’lgan eng ko’ngilsiz voqea nima?

Siz ortga surayotgan ishlarga taaluqli natijalardan hayiqib turibsizmi? Yuz berishi mumkin bo’lgan eng ko’ngilsiz voqea, ko’pincha, kichik noqulaylik yoki vaqtinchalik muvaffaqiyatsizlikdan iborat bo’lishi mumkin.

7. Ortga surib kelayotgan ishingizni bajarganingizda o’zingizni qanday his qilishingizni ko’z oldingizda gavdalantiring.

Xavotirdan ozodlik. Ich-etingizni kemirayotgan g’ashliklardan ozodlik. O’zingizga bo’lgan ichki shubha va gumonlardan xalos bo’lish. Keyinga surayotgan vazifalaringizni yakunlash sizga ulkan ichki ishonch va energiya beradi.

@getpsychedup