Саида Мирзиёева DFC раҳбари билан Ўзбекистондаги йирик қўшма лойиҳаларни муҳокама қилди

Президент Администрацияси раҳбари Саида Мирзиёева АҚШ Халқаро молиявий тараққиёт корпорацияси (DFC) бош ижрочи директори Бэн Блэк билан учрашди.

Мулоқот давомида транспорт ва соғлиқни сақлаш соҳаларида амалга оширилиши бошланган йирик қўшма лойиҳалар муҳокама қилинди.

Саида Мирзиёеванинг таъкидлашича, Ўзбекистон DFC билан ҳамкорликни бундан кейин ҳам кенгайтириб боришга тайёр.

Маълумот учун, DFC — АҚШ ҳукуматининг халқаро тараққиётни молиялаштириш институти бўлиб, ривожланаётган мамлакатларда хусусий сектор лойиҳаларини кредитлар, инвестициялар, кафолатлар ва бошқа молиявий воситалар орқали қўллаб-қувватлайди. Корпорация инфратузилма, энергетика, соғлиқни сақлаш, технология ва бошқа стратегик соҳалардаги лойиҳаларни молиялаштиради.

@pressuzb