❗️ Қылмыстың салдарымен емес, қауіптің алдын алумен күрес маңызды

Құқық бұзушылықтардың алдын алу және азаматтардың қауіпсіздігін қамтамасыз ету — полицияның негізгі міндеттерінің бірі.

2025 жылы Шымкент қаласында алкогольдік масаң күйде жасалған 336 құқық бұзушылық тіркелген. Оның 182-сі түнгі уақытта болған.

Талдау нәтижесі құқық бұзушылықтардың басым бөлігі алкоголь өнімдерін түнгі уақытта тұтынумен байланысты екенін көрсетті. Бұл ретте негізгі себептердің бірі — алкоголь өнімдерінің белгіленбеген уақытта сауда орындарында сатылуы.

Осыған байланысты Шымкент қаласы полиция департаменті алкоголь өнімдерін белгіленген талаптарды бұза отырып сату фактілерін анықтау және олардың жолын кесу мақсатында тұрақты түрде рейдтік іс-шаралар жүргізіп келеді.

Жыл басынан бері Шымкент қаласында алкоголь өнімдерін өткізу талаптарын бұзуға қатысты 1 056 әкімшілік құқық бұзушылық анықталды. Сот қаулылары негізінде 476 кәсіпкерлік субъектісінің алкоголь өнімдерін сатуға берілген лицензиясының күші жойылды. Сонымен қатар 91 кәсіпкер алкоголь өнімдерін сату лицензиясынан айырылды.

Қабылданған шаралардың нәтижесінде қалада алкогольдік масаң күйде жасалатын қылмыстар саны 28%, ал түнгі уақытта жасалатын қылмыстар саны 25% төмендеді.

📌 Басты мақсат — құқық бұзушылық жасалғаннан кейін оның салдарымен күресу емес, оның алдын алып, азаматтардың қауіпсіздігін толық қамтамасыз ету.

ЗАҢМЕНТӘРТІП

📱 POLISIA.KZ