⚡️ Farg‘ona shahridagi Prezident maktabida yana bir yuksak natija!

🎓 Maktabimizning 10-01: Abu Nasr Forobiy sinfi o‘quvchisi Tursunboyeva Husnora Ibroximjon qizi ingliz tili bo‘yicha xalqaro IELTS imtihonida yuqori natijani qo‘lga kiritib, 8.0 ball sohibasiga aylandi.

🔸 Ushbu natija Husnoraning ingliz tilini puxta egallagani, bilim olishga bo‘lgan intilishi, tinimsiz izlanishlari va mehnatining yorqin ifodasidir. IELTS imtihonidan 8.0 ball olish xalqaro miqyosda yuqori baholanadigan yutuqlardan biri bo‘lib, o‘quvchimizning kelgusidagi ta’limiy maqsadlari sari muhim qadamdir.

🔰 Farg‘ona shahridagi Prezident maktabi jamoasi Husnoraning ushbu muvaffaqiyatidan faxrlanadi.

✅ Ishonamizki, bu natija uning kelgusida yanada ulkan marralarni zabt etishi uchun mustahkam poydevor bo‘ladi. Husnoraga ilm yo‘lidagi barcha ezgu maqsadlariga erishishida omad, kuch-g‘ayrat va yangi zafarlar tilaymiz!

🌐 Telegram manzilimiz |Facebook sahifamiz | Web sahifamiz