Сёння — 90 гадоў з дня нараджэння Вацлава Гавела.

Анатоль Лябедзька:
«Мне пашчасціла некалькі разоў сустракацца з ім. І гэта быў той рэдкі чалавек, прысутнасць якога адчувалася адразу: моцная энергетыка, магнетызм, унутраная свабода.

Для мяне гэта адна з тых сустрэч, якія застаюцца з табой на ўсё жыццё. Гавел не забываўся пра Беларусь. У 2007 годзе, калі яго спыталі пра беларускія пратэсты і рэпрэсіі супраць іх удзельнікаў, ён сказаў вельмі простую рэч:
«Мужнасць — адзіны шлях да поспеху».

Ён падтрымліваў беларускіх дэмакратаў і разумеў, што свабода — гэта не геаграфія і не падарунак, які нехта прыносіць звонку. За яе заўсёды трэба мець мужнасць змагацца. Сёння палітыкаў такога маштабу, на жаль, відавочна не хапае. І вельмі хацелася б, каб у палітыцы зноў быў попыт на людзей, для якіх прынцыпы важнейшыя за палітычны трэнд.

Вацлаў Гавел — адзін з тых, каго памятаеш не толькі па пасадзе, але і па асабістай сустрэчы».

#ВацлаўГавел #Беларусь #Еўропа #Свабода #Дэмакратыя