93 yoshda ham safdoshlari e’zozida

Ichki ishlar organlari faxriysi, iste’fodagi polkovnik Tursinbek Rahmonov 93 yoshda.

Mutaxassisligi bo‘yicha jismoniy tarbiya o‘qituvchisi, tarixchi va huquqshunos bo‘lgan faxriy 31 yillik xizmat faoliyati davomida ma’naviy-tarbiyaviy ishlar, jinoyat qidiruvi va profilaktika yo‘nalishlarida, shuningdek, shahar va viloyat IIB rahbarlik lavozimlarida samarali faoliyat yuritgan.

Uning boy hayotiy va kasbiy tajribasi, xizmatga sadoqati hamda sharafli faoliyati bugungi avlod xodimlari uchun ibrat maktabidir.

Otaxon ayni kunlarda Andijon viloyatida o‘tkazilayotgan ichki ishlar organlari “Uch avlod” maslahat kengashining VI Respublika konferensiyasi doirasidagi tadbirlar va tanlovlarda faol ishtirok etmoqda.