Surxondaryoda 52 kg narkotik ushlandi

“Ayritom” chegara bojxona postida Afg‘onistondan kirib kelgan yuk avtomashinasining tirkamasi pol qismi ostiga yashirilgan 98 dona o‘ram aniqlandi.

Ulardan 42 kg 335 g gashish va 10 kg 260 g opiy, jami 52 kg 595 g giyohvandlik vositasi olib qo‘yildi.
Mazkur miqdor salkam 340 ming dozani tashkil etadi.

Tadbir bojxona, DXX, ichki ishlar organlari va Chegara qo‘shinlari hamkorligida o‘tkazildi.

Joriy yilning o‘tgan davrida huquqni muhofaza qiluvchi idoralar tomonidan 1,9 tonnadan ziyod giyohvandlik vositalarining noqonuniy muomalasiga chek qo‘yilgan.