Xizmatga sadoqat, ustozlarga ehtirom

Andijonda o‘tkazilgan IIO “Uch avlod” maslahat kengashining VI respublika konferensiyasi yakunida soha faxriylari va tanlov g‘oliblari taqdirlandi.

Ichki ishlar vaziri o‘rinbosari, polkovnik Diyorbek Sattarov mukofotlarni topshirib, faxriylarning ko‘p yillik xizmati, yosh avlod tarbiyasiga qo‘shayotgan hissasi uchun minnatdorlik bildirdi.

“Yilning eng faol faxriy xodimi” tanlovida Sodiqjon Nishanov birinchi, Abduvahobjon Xalikov ikkinchi, Zakir Xudaymurodov uchinchi o‘rinni egalladi. “Zakovat” intellektual o‘yinining g‘olib va sovrindor jamoalari ham munosib rag‘batlantirildi.

Ustozlar mehnatiga e’tibor — yosh avlod uchun ham ilhom va ibrat.